Lucas 9:16

Ang Biblia 2011

Sa iyang pagkuha sa lima ka pan ug sa duha ka buok isda, siya mihangad sa langit ug nagpasalamat, ug kini iyang gipikaspikas ug gihatag ngadto sa iyang mga tinun-an aron ihatag ngadto sa panon sa katawhan.

Cross References

Mateo 14:19

Unya iyang gisugo ang panon sa katawhan sa pagpanglingkod sa mga balili. Ug samtang gigunitan niya ang lima ka pan ug duha ka isda, miyahat siya sa langit ug nagpasalamat. Unya iyang gipikaspikas ang mga pan ug gihatag ngadto sa mga tinun-an ug gihatag kini sa mga tinun-an ngadto sa katawhan.

Mateo 15:36

Ug iyang gikuha ang pito ka pan ug ang mga isda, ug sa nakapasalamat na siya, kini iyang gipikaspikas ug gihatag ngadto sa mga tinun-an ug gipanghatag kini sa mga tinun-an ngadto sa katawhan.

Marcos 7:34

Samtang naghangad siya sa langit, nanghupaw siya ug miingon kaniya, “Effata,” nga sa ato pa, “Maabli ka.”

Lucas 22:19

Ug siya mikuha ug pan, ug sa nakapasalamat na siya, kini iyang gipikaspikas ug gihatag kanila nga nag-ingon, “Kini mao ang akong lawas nga gihatag alang kaninyo. Buhata ninyo kini sa paghinumdom kanako.”

Lucas 24:30

Sa nagtambong siya sa kan-anan uban kanila, siya mikuha ug pan ug nagpasalamat, ug kini iyang gipikaspikas ug gihatag kanila.

Lucas 9:15

Ug gihimo nila kini, ug ilang gipalingkod ang tanan.

Lucas 9:17

Ug ang tanan nangaon ug nangabusog. Ug ilang gihipos ang salin nga napulo ug duha ka bukag sa mga pinikaspikas.

Juan 6:11

Unya gikuha ni Jesus ang mga pan, ug sa nakapasalamat na siya, giapod-apod niya kini ngadto kanila nga nanglingkod ug ingon man usab ang isda, kutob sa ilang gusto.

Juan 6:23

Apan didtoy mga gagmayng sakayan gikan sa Tiberias nga midunggo duol sa dapit diin sila nangaon ug pan human makapasalamat ang Ginoo.

Mga Buhat 27:35

Ug sa nakasulti na siya niini, mikuha siya ug pan, nagpasalamat siya sa Dios sa atubangan sa tanan ug iya kining gipikaspikas ug misugod siya sa pagkaon.

Roma 14:6

Ang nagtamod sa adlaw, nagtamod niini sa pagpasidungog sa Ginoo. Ug siya usab nga mokaon nagkaon aron sa pagpasidungog sa Ginoo, kay nagpasalamat man siya sa Dios, ug siya nga dili mokaon wala mokaon aron sa pagpasidungog sa Ginoo; ug nagpasalamat sa Dios.

1 Mga Taga-Corinto 10:30

Kon ako miambit uban ang pagkamapasalamaton, nganong sawayon pa man ako mahitungod sa gipasalamatan na nako?

1 Mga Taga-Corinto 11:24

ug sa nakapasalamat na siya, kini iyang gipikaspikas ug miingon, “Kini mao ang akong lawas nga gipikaspikas alang kaninyo. Buhata ninyo kini sa paghandom kanako.”

1 Samuel 9:13

Sa pag-abot ninyo sa siyudad, makit-an ninyo siya sa dili pa siya motungas sa habog nga dapit aron mokaon, kay ang katawhan dili mangaon hangtod nga siya moabot tungod kay kinahanglan nga panalanginan niya ang halad. Pagkahuman niana silang mga dinapit mangaon. Busa karon panungas na kamo kay makita dayon ninyo siya.”