Lucas 8:8

Ang Biblia 2011

Ug ang uban nangahulog ngadto sa maayong yuta ug mitubo ug namunga ug usa ka gatos ka pilo.” Sa iyang pagsulti niini, miingon siya sa kusog nga tingog, “Ang mga may dalunggan nga makadungog kinahanglang magpatalinghog.”

Cross References

Genesis 26:12

Ug nagpugas si Isaac niadtong yutaa ug nakaani niadtong maong tuig ug usa ka gatos ka pilo kay siya gipanalanginan sa Ginoo.

Mga Panultihon 20:12

Ang dalungggan nga namati ug ang mata nga nagtan-aw, ang Ginoo maoy nagbuhat niining duha.

Mga Panultihon 8:1

Wala ba magtawag ang kaalam, wala ba magpatugbaw sa iyang tingog ang salabotan?

Jeremias 13:15

Pamati kamo, ug pagpatalinghog; ayaw pagpagarbo kay ang Ginoo misulti.

Jeremias 25:4

Wala kamo mamati o mokiling sa inyong mga dalunggan aron sa pagpamati, bisan pa ug ang Ginoo nagpadayon sa pagpadala nganha kaninyo sa tanan niyang mga sulugoon nga propeta

Mateo 11:15

Ang may mga igdulungog kinahanglang magpatalinghog.

Mateo 13:23

Mahitungod sa nahisabod diha sa maayong yuta, kini mao kadtong nakadungog sa pulong ug nakasabot niini. Kini siya mamunga gayod ug maghatag ug abot, sa usa ka higayon usa ka gatos ka pilo, ug sa lain 60, ug sa lain 30.”

Marcos 4:20

Ug mao kini sila ang mga gikasabod diha sa maayong yuta, kadtong nakadungog sa pulong ug midawat niini ug namunga ug 30 ka pilo ug 60 ka pilo ug 100 ka pilo.”

Marcos 4:23

Si bisan kinsa nga may mga dalunggan sa pagpangdungog, kinahanglang magpatalinghog.”

Marcos 4:8

Ang ubang mga binhi diha mahulog sa maayong yuta, ug kini namunga, mitubo ug milambo ug namunga ug 30 ka pilo, ug 60 ka pilo, ug 100 ka pilo.”

Lucas 14:35

Kini dili na gayod mapuslan bisan pa ug alang sa yuta o alang sa pag-abuno, ilabay na lang kini sa mga tawo. Ang may mga dalunggan nga makabati kinahanglang mamati.

Lucas 8:15

Apan kadtong diha sa maayong yuta, mao kadto sila nga sa ilang pagkadungog sa pulong misagop niini uban sa matinud-anon ug maayong kasingkasing, ug namunga uban ang pailob.

Lucas 8:7

Ang uban nangahulog taliwala sa kasampinitan, ug ang mga sampinit mitubo uban niini ug mituok niini.

Mga Taga-Efeso 2:10

Kay kita iyang mga binuhat, gihimo diha kang Cristo Jesus alang sa mga maayong buhat nga giandam nang daan sa Dios aron nga niini magkinabuhi kita.

Mga Taga-Colosas 1:10

aron kamo magkinabuhi nga takos sa Ginoo, hingpit nga kahimut-an niya, magmabungahon sa tanang mga maayong buhat ug magtubo sa kahibalo mahitungod sa Dios.

Gipadayag 13:9

Ang adunay igdulungog kinahanglang magpatalinghog:

Gipadayag 2:11

Ang adunay igdulungog kinahanglan nga magpatalinghog sa sulti sa Espiritu ngadto sa mga iglesia. Siya nga magmadaogon, dili maunsa sa ikaduhang kamatayon.’

Gipadayag 2:7

Ang adunay igdulungog kinahanglan nga magpatalinghog sa gisulti sa Espiritu ngadto sa mga iglesia. Siya nga magmadaogon hatagan nako ug pagtugot sa pagkaon gikan sa kahoy sa kinabuhi nga anaa sa paraiso sa Dios.’

Gipadayag 3:13

Ang adunay igdulungog kinahanglang magpatalinghog sa gisulti sa Espiritu ngadto sa mga iglesia.’

Gipadayag 3:6

Ang adunay igdulungog kinahanglang magpatalinghog sa gisulti sa Espiritu ngadto sa mga iglesia.’