Lucas 8:52

Ang Biblia 2011

Ug ang tanan nanghilak ug nagminatay tungod kaniya. Apan si Jesus miingon, “Ayaw na kamo paghilak, kay wala siya mamatay kondili natulog.”

Cross References

Genesis 23:2

Unya namatay si Sarah didto sa Kiriat-arba nga mao ang Hebron sa yuta sa Canaan ug si Abraham miadto aron sa pagbangutan alang kang Sarah ug sa paghilak alang kaniya.

2 Samuel 18:33

Ug natay-og pag-ayo ang pagbati sa hari ug misaka ngadto sa lawak nga didto sa ibabaw sa ganghaan ug mihilak. Ug sa iyang pag-adto, siya miingon, “O akong anak nga Absalom, anak ko, anak kong Absalom! Maayo pa unta kon ako ang namatay sa imong dapit ug dili ikaw, O Absalom, anak ko, anak ko!”

Exodo 24:17

Ug ang panagway sa himaya sa Ginoo sama sa usa ka nag-ut-ot nga kalayo sa kinatumyan sa bukid diha sa panan-aw sa katawhan sa Israel.

Zacarias 12:10

“Ug ibubo nako ibabaw sa balay ni David ug sa mga nagpuyo sa Jerusalem ang espiritu sa kaluoy ug sa pagpangamuyo, aron nga sa dihang motan-aw sila kaniya nga ilang giduslak, sila magsubo tungod kaniya, sama sa magsubo tungod sa bugtong niyang anak ug maghilak pag-ayo tungod kaniya, sama sa maghilak tungod sa iyang panganay nga anak.

Mateo 11:17

‘Gitukaran kamo namo ug plawta apan wala kamo mosayaw; nagbangutan kami, apan wala kamo magsubo.’

Lucas 23:27

Ug misunod kaniya ang usa ka dakong panon sa katawhan ug mga babaye nga nanghilak ug nagminatay tungod kaniya.

Lucas 23:48

Ug ang panon sa katawhan nga mitapok aron pagtan-aw niini, sa ilang pagkakita sa nahitabo, mipauli nga namukpok sa ilang mga dughan.

Lucas 8:51

Ug sa pag-abot niya sa balay, wala siyay gitugotan sa pagsulod uban kaniya gawas kang Pedro, kang Juan, kang Santiago ug sa amahan ug inahan sa bata.

Lucas 8:53

Ug gikataw-an nila siya kay nahibalo man sila nga ang bata patay na.

Juan 11:4

Apan sa pagkadungog niini ni Jesus, siya miingon, “Kining sakita dili ikamatay, kondili alang kini sa himaya sa Dios, aron ang Anak sa Dios himayaon pinaagi niini.”