Lucas 8:48

Ang Biblia 2011

Ug si Jesus miingon kaniya, “Anak, ang imong pagsalig nakapaayo kanimo. Lakaw nga malinawon.”

Cross References

2 Mga Hari 5:19

Ug siya miingon kaniya, “Lakaw nga malinawon.” Apan sa nakalakaw na si Naaman ug layolayo ug diyotay,

Exodo 4:18

Unya si Moises mibalik ngadto kang Jetro nga iyang ugangan ug miingon kaniya, “Naghangyo ako kanimo, pabalika ako ngadto sa akong mga kadugo nga atua sa Ehipto ug akong tan-awon kon buhi pa ba sila.” Ug si Jetro miingon kang Moises, “Lakaw nga malinawon.”

Mateo 12:20

Dili siya mobali sa bagakay nga nasiak o mopalong sa pabilo nga nagbaga na lang hangtod nga mapatigbabaw na niya ang hustisya.

Mateo 8:13

Ug si Jesus miingon sa kapitan, “Lakaw, mahimo kini alang kanimo sumala sa imong pagsalig.” Ug niadtong tungora naayo ang sulugoon.

Mateo 9:2

Ug didto ilang gidala kaniya ang usa ka paralitiko nga naghigda sa iyang higdaanan. Ug sa pagkakita ni Jesus sa ilang pagsalig, siya miingon sa paralitiko, “Anak, ayaw kaguol, ang imong mga sala gipasaylo na.”

Mateo 9:22

Si Jesus miliso ug sa iyang pagkakita kaniya, miingon, “Paglipay anak, ang imong pagsalig nakaayo kanimo.” Ug dihadiha ang babaye naayo.

Marcos 5:34

Ug si Jesus miingon kaniya, “Anak, ang imong pagsalig nakaayo kanimo. Lakaw nga malinawon ug maayo na ikaw gikan sa imong sakit.”

Lucas 17:19

Ug si Jesus miingon kaniya, “Tindog ug lakaw, ang imong pagsalig nakapaayo kanimo.”

Lucas 18:42

Si Jesus miingon kaniya, “Makakita ka na, ang imong pagsalig nakapaayo kanimo.”

Lucas 7:50

Ug siya miingon sa babaye, “Ang imong pagsalig nakaluwas kanimo. Lakaw nga malinawon.”

Lucas 8:47

Sa dihang nakita sa babaye nga wala diay siya malilong, miduol siya nga nagkurog. Ug sa naghapa siya sa atubangan ni Jesus, gisugilon niya sa atubangan sa tanang tawo ang hinungdan sa iyang paghikap kaniya ug giunsa niya pagkaayo dihadiha.

Mga Buhat 14:9

Siya naminaw kang Pablo nga nagsulti, ug si Pablo nga mitutok pag-ayo kaniya ug nakakita nga siya may pagtuo nga maayo siya,

2 Mga Taga-Corinto 6:18

Ug ako mahimong inyong amahan, ug kamo mahimong akong mga anak nga lalaki ug mga anak nga babaye, nag-ingon ang Ginoo nga Makagagahom sa Tanan.”

Mga Hebreo 4:2

Kay kita nasangyawan man usab sa Maayong Balita sama kanila, hinuon ang pulong nga ilang nadungog wala magpulos kanila, kay ang mga nakadungog niini wala man modawat niini uban sa pagtuo.

1 Samuel 1:17

Unya si Eli mitubag, “Lakaw uban ang kalinaw, ug ang Dios sa Israel maghatag sa imong hangyo nga gipangayo nimo kaniya.”