Lucas 8:47

Ang Biblia 2011

Sa dihang nakita sa babaye nga wala diay siya malilong, miduol siya nga nagkurog. Ug sa naghapa siya sa atubangan ni Jesus, gisugilon niya sa atubangan sa tanang tawo ang hinungdan sa iyang paghikap kaniya ug giunsa niya pagkaayo dihadiha.

Cross References

Salmo 2:11

Alagari ang Ginoo uban ang kahadlok; uban ang pagkurog,

Salmo 38:9

Ginoo, anaa sa imong atubangan ang tanan nakong tinguha; ang akong pag-agulo wala matago gikan kanimo.

Salmo 66:16

Dali ngari ug pamati, kamong tanan nga may kahadlok sa Dios, ug ipahayag nako ang gibuhat niya alang kanako.

Isaias 66:2

Kining tanang mga butanga gibuhat sa akong kamot, busa kining tanang mga butanga akoa, nag-ingon ang Ginoo. Apan kini mao ang tawo nga akong tan-awon, siya nga mapaubsanon ug mahinulsolon sa espiritu, ug nagkurog tungod sa akong pulong.

Oseas 13:1

Sa diha nga ang Efraim misulti, dihay pagkurog, gipasidunggan siya sa Israel, apan siya nakasala pinaagi kang Baal ug siya namatay.

Oseas 5:3

Ako nakaila kang Ephraim, ug ang Israel wala matago kanako; kay karon, O Ephraim, ikaw nagmakihilawason, ang Israel nahugawan.

Habacuc 3:16

Nakabati ako, ug mikurog ang akong lawas, ang akong mga ngabil mikurog sa pagkabati sa tingog; ang pagkadunot misulod sa akong kabukogan, nagkurogkurog ang akong mga lakang. Magpaabot lamang ako sa hilom alang sa adlaw sa kasamok sa pag-abot ngadto sa katawhan nga mosulong kanamo.

Mateo 28:8

Ug sila midali pagbiya sa lubnganan uban sa kahadlok ug dakong kalipay ug nanagan sila aron sa pagsugilon sa iyang mga tinun-an.

Marcos 5:33

Apan ang babaye nga nahibalo sa nahitabo kaniya, miduol nga nahadlok ug nagkurog ug mihapa sa iyang atubangan, ug misugilon kaniya sa tibuok nga kamatuoran.

Lucas 8:46

Apan si Jesus miingon, “May mihikap kanako, kay nakamatngon ako nga may gahom nga migula kanako.”

Lucas 8:48

Ug si Jesus miingon kaniya, “Anak, ang imong pagsalig nakapaayo kanimo. Lakaw nga malinawon.”

Mga Buhat 16:29

Ug siya nangayo ug suga ug midali pagsulod, ug mihapa nga nagkurog sa atubangan ni Pablo ug ni Silas.

1 Mga Taga-Corinto 2:3

Ug ako, diha sa kahuyang ug kahadlok ug sa hilabihan nga pagkurog, nakig-uban kaninyo.

2 Mga Taga-Corinto 7:15

Ug ang iyang pagbati misamot alang kaninyo sa dihang mahinumduman niya ang pagkamasinugtanon ninyong tanan ug ang kataha ug ang pagkamatinahuron nga inyong gipakita sa inyong pagdawat kaniya.

Mga Taga-Filipos 2:12

Busa, akong mga hinigugma, ingon nga kamo sa kanunay mituman, dili lamang sa panahon nga anaa ako kaninyo, kondili labaw pa gani sa panahon usab nga wala ako diha kaninyo, panglimbasogi ninyo ang inyong kaugalingong kaluwasan uban ang kahadlok ug pagkurog,

Mga Hebreo 12:28

Busa magpasalamat kita tungod sa atong pagkadawat sa gingharian nga dili matarog ug tungod niana ihalad nato ngadto sa Dios ang makapahimuot nga pagsimba, nga inubanan sa pagtahod ug kahadlok,

1 Samuel 16:4

Si Samuel mibuhat sumala sa gisugo sa Ginoo, ug miadto sa Betlehem. Ug ang mga kadagkoan sa siyudad miadto aron sa pagsugat kaniya nga nagkurog ug miingon, “Mianhi ba ikaw nga malinawon?”