Lucas 8:43

Ang Biblia 2011

Ug may usa ka babaye nga walay undang ang pagdugo sulod sa napulo ug duha ka tuig nga nahutdan na sa iyang tanang katigayonan nga gigasto alang sa mga mananambal ug dili na maayo ni bisan kinsa,

Cross References

2 Cronicas 16:12

Sa ika-39 nga tuig sa iyang paghari, si Asa nasakit sa iyang tiil ug milamay ang iyang sakit, apan bisan sa iyang pagkasakit, wala siya mangita sa Ginoo, hinuon midangop sa mga mananambal.

Job 13:4

Apan mahitungod kaninyo, kamo mga tigduhig ug bakak; mga mananambal nga walay pulos kamong tanan.

Salmo 108:12

Hatagi kami ug tabang batok sa kaaway, kay kawang lamang ang tabang sa tawo!

Isaias 2:22

Biyai ninyo ang tawo nga ang gininhawa anaa sa iyang ilong; kay sa unsa man siya isipon?

Marcos 12:44

Kay silang tanan mihatag gikan sa ilang naghingapin nga kahamugaway, apan kini siya, gikan sa iyang kakabos mihatag sa tanan nga anaa kaniya, sa tanan nga iyang kabuhian.”

Marcos 9:18

Ug bisan asa gani kini moataki kaniya idakdak siya niini, unya mobula ang iyang baba ug mokagot ang iyang mga ngipon ug motuskig siya. Busa gihangyo nako ang imong mga tinun-an sa paghingilin unta niini, apan wala sila makahimo.”

Lucas 13:11

Ug didtoy usa ka babaye nga may espiritu nga naghatag kaniya ug sakit sulod na sa napulo ug walo ka tuig. Siya nagtikuko ug dili makatuyhad sa iyang kaugalingon.

Lucas 13:16

Ug kining babaye nga anak ni Abraham nga gigapos ni Satanas sulod sa napulo ug walo ka tuig, dili ba kinahanglan nga badbaran siya sa gapos sa adlaw nga igpapahulay?”

Lucas 8:27

Ug sa pagkawas niya sa yuta, gisugat siya ug usa ka tawong gidemonyohan nga gikan sa lungsod. Sulod sa dugayng panahon ang tawo wala magsul-ob ug bisti, ug wala siya magpuyo ug balay kondili diha sa mga lubnganan.

Lucas 8:42

kay siya may bugtong nga anak nga babaye, nga may napulo ug duha ka tuig ang panuigon, ug siya himatyon. Sa paglakaw ni Jesus, ang mga tawo midutdot libot kaniya.

Lucas 8:44

miduol sa iyang luyo ug mihikap sa sidsid sa iyang bisti, ug mihunong dayon ang iyang pagsigi ug dugo.

Juan 9:1

Unya sa pag-agi ni Jesus, iyang nakita ang usa ka tawo nga buta sukad pa sa pagkahimugso.

Juan 9:21

Apan naunsa nga makakita na man siya karon, kami wala mahibalo ug wala usab kami mahibalo kinsa ang nagpabuka sa iyang mga mata. Pangutan-a lang siya, kay dako na man siya. Mosulti siya alang sa iyang kaugalingon.”

Mga Buhat 3:2

Didtoy usa ka lalaki nga bakol sukad pa sa iyang pagkatawo nga sa matag adlaw gibutang didto sa Templo, sa pultahan nga ginganlan ug Matahom aron mangayo ug limos kanila nga mosulod sa Templo.

Mga Buhat 4:22

Ang tawo nga gihimoan sa maong milagro sa pag-ayo kapin na man sa 40 ka tuig ang panuigon.