Lucas 8:41

Ang Biblia 2011

Ug dihay miabot nga tawo nga ginganlan ug Jairo nga usa ka pangulo sa sinagoga ug naghapa siya sa tiilan ni Jesus, ug mihangyo siya kaniya sa pag-adto sa iyang balay,

Cross References

Lucas 13:14

Apan ang pangulo sa sinagoga, nga nasuko tungod kay si Jesus nag-ayo ug masakiton sa adlaw nga igpapahulay, miingon sa mga tawo, “Adunay unom ka adlaw diin ang buhat kinahanglang buhaton. Anhi kamo niining mga adlawa ug magpaayo ug dili sa adlaw nga igpapahulay.”

Lucas 17:16

Ug siya mihapa sa tiilan ni Jesus ug nagpasalamat kaniya. Ug kadto siya usa ka Samarianhon.

Lucas 5:8

Apan sa pagkakita niini ni Simon Pedro, mihapa siya sa atubangan ni Jesus ug miingon kaniya, “Pahawa gikan kanako, kay ako usa ka tawong makasasala, O Ginoo.”

Lucas 8:42

kay siya may bugtong nga anak nga babaye, nga may napulo ug duha ka tuig ang panuigon, ug siya himatyon. Sa paglakaw ni Jesus, ang mga tawo midutdot libot kaniya.

Lucas 8:49

Samtang nagsulti pa siya, usa ka tawo gikan sa balay sa pangulo sa sinagoga miabot nga nag-ingon, “Ang imong anak patay na. Ayaw na lang ug hasola ang Magtutudlo.”

Juan 11:21

Ug si Marta miingon kang Jesus, “Ginoo, kon dinhi pa ikaw, dili unta mamatay ang akong igsoon.

Mga Buhat 13:15

Human sa pagbasa sa Balaod ug sa mga Propeta, ang mga pangulo sa sinagoga nagpaadto kanila sa pag-ingon, “Mga igsoon, kon aduna kamoy pulong sa pagdasig alang sa katawhan, isulti kana.”

Mga Buhat 18:17

Ug gidakop nilang tanan si Sostenes nga pangulo sa sinagoga ug gibunalan nila siya sa atubangan sa hukmanan. Apan si Galio wala magtagad niini.

Mga Buhat 18:8

Si Crispo nga pangulo sa sinagoga mituo sa Ginoo uban sa iyang tibuok panimalay, ug daghan sa mga taga-Corinto nga naminaw kang Pablo mituo ug gibautismohan.

Mga Buhat 9:38

Tungod kay ang Lida duol ra man sa Jopa, ang mga tinun-an nga nakadungog nga si Pedro atua didto, mipaadto sila ug duha ka tawo sa paghangyo kaniya, “Ayaw intawon paglangay sa pag-adto kanamo.”

Gipadayag 5:8

Ug sa nakuha na niya ang basahong linukot, ang upat ka buhing binuhat ug ang 24 ka kadagkoan mihapa sa atubangan sa Nating Karnero, ang matag usa nagkupot ug alpa ug mga bulawang panaksan nga puno sa insenso, nga mao ang mga pag-ampo sa mga balaan.