Lucas 8:35

Ang Biblia 2011

Unya ang mga tawo nanggawas sa pagsusi unsay nahitabo, ug miadto sila kang Jesus. Ug ilang nakita ang tawo nga gigulaan sa mga demonyo nga naglingkod sa tiilan ni Jesus, nagbisti na ug maayo na ang panimuot, ug sila nangahadlok.

Cross References

Salmo 51:10

Buhata sa sulod nako ang hinlo nga kasingkasing, O Dios, ug bag-oha ug lig-ona ang espiritu sa sulod nako.

Isaias 53:12

Tungod niini hatagan nako siya ug usa ka bahin uban sa bantogan, ug siya magbahin sa inilog uban sa kusgan; tungod kay iyang gibubo ang iyang kalag ngadto sa kamatayon, ug giisip uban sa mga malapason; bisan pa niini gipas-an niya ang sala sa daghan ug naghimo ug pagpangamuyo alang sa mga malapason.

Mateo 4:24

Busa ang iyang kabantog mikaylap sa tibuok Siria. Ug gidala nila ngadto kaniya ang tanang masakiton, ang mga gitakboyan sa nagkalainlaing mga sakit ug mga balatian, mga gidemonyohan, mga patulon ug mga paralitiko, ug iyang giayo sila.

Marcos 5:15

Nangadto sila kang Jesus, ug nakita nila ang gidemonyohan kaniadto nga naglingkod didto, nagbisti na ug diha na sa maayong panimuot, ang tawo nga kaniadto diha ang Legion, ug sila nangalisang.

Lucas 10:39

Ug siya may igsoong babaye nga ginganlan ug Maria nga milingkod usab sa tiilan sa Ginoo ug namati sa iyang gitudlo.

Lucas 15:17

Apan sa dihang nakaamgo na siya sa iyang kaugalingon, siya miingon, ‘Pagkadaghan sa mga sinuholan sa akong amahan nga may igong pagkaon ug sobra pa, samtang ako dinhi hapit na mamatay sa kagutom!

Lucas 2:46

Human sa tulo ka adlaw, nakit-an nila siya sulod sa Templo, naglingkod taliwala sa mga magtutudlo, naminaw ug nangutana kanila.

Lucas 8:27

Ug sa pagkawas niya sa yuta, gisugat siya ug usa ka tawong gidemonyohan nga gikan sa lungsod. Sulod sa dugayng panahon ang tawo wala magsul-ob ug bisti, ug wala siya magpuyo ug balay kondili diha sa mga lubnganan.

Lucas 8:34

Ug sa pagkakita sa mga tigbantay sa mga baboy sa nahitabo, nanagan sila, ug ilang gisugilon kini sa lungsod ug kabalangayan.

Mga Buhat 22:3

“Ako usa ka Judio nga natawo sa Tarsus sa Cilicia, apan nagtubo dinhi niining siyudara sa tiilan ni Gamaliel, gitudloan sumala sa higpit nga paagi sa balaod sa atong mga katigulangan, mainiton alang sa Dios sama kaninyong tanan niining mga adlawa karon.

1 Juan 3:8

Ang nagbuhat ug pagpakasala, iya sa yawa kay ang yawa nagpakasala man sukad pa sa sinugdan. Ang hinungdan nganong gipadayag ang anak sa Dios mao ang paglaglag sa mga binuhatan sa yawa.