Lucas 8:30

Ang Biblia 2011

Unya si Jesus nangutana kaniya, “Unsay imong ngalan?” Ug siya mitubag, “Legion”, kay daghan man ang mga demonyo nga misulod kaniya.

Cross References

Mateo 26:53

Naghunahuna ba ikaw nga dili ako makapakitabang sa akong Amahan ug nga dili siya makapadala karon dayon ug mga anghel nga labaw pa sa napulo ug duha ka panon?

Mateo 4:24

Busa ang iyang kabantog mikaylap sa tibuok Siria. Ug gidala nila ngadto kaniya ang tanang masakiton, ang mga gitakboyan sa nagkalainlaing mga sakit ug mga balatian, mga gidemonyohan, mga patulon ug mga paralitiko, ug iyang giayo sila.

Mateo 8:29

Ug misinggit sila nga nag-ingon, “Unsay imong tuyo kanamo, Anak sa Dios? Mianhi ba ikaw aron sa pagsakit kanamo sa dili pa ang panahon?”

Marcos 16:9

Sa pagkabanhaw niya nianang kaadlawon sa unang adlaw sa semana, siya mipakita pag-una ngadto kang Maria Magdalena nga iyang gipagulaan ug pito ka demonyo.

Marcos 5:9

Unya si Jesus nangutana kaniya, “Unsay imong ngalan?” Ug siya mitubag, “Ang akong ngalan Legion, kay daghan kami.”

Lucas 8:2

ug ang mga babaye usab nga nangaayo gikan sa mga daotang espiritu ug sa mga sakit: si Maria nga gitawag ug Magdalena nga gigulaan ug pito ka demonyo,

Lucas 8:29

Kay gisugo man ni Jesus ang hugawng espiritu sa paggula gikan sa tawo. (Kay sa daghang panahon siya giataki niini; siya binantayan ug gigapos sa kadena ug giposasan apan iyang gibugto ang mga gapos, ug siya giabog sa demonyo ngadto sa kamingawan.)