Lucas 8:3

Ang Biblia 2011

ug si Juana, ang asawa ni Cusa nga sinaligan ni Herodes, ug si Susana, ug daghan pa nga naghatag gikan sa ilang mga katigayonan alang sa mga gikinahanglan ni Jesus ug sa iyang mga tinun-an.

Cross References

1 Cronicas 29:14

“Apan kinsa man ako ug unsa ang akong katawhan, nga kami mahimong takos sa paghalad nga kinabubut-on sa ingon niini? Kay ang tanang butang gikan kanimo, ug gikan sa imong kaugalingon kami naghatag kanimo.

Isaias 23:18

Ang iyang patigayon ug ang iyang suhol ipahinungod ngadto sa Ginoo; kini dili tigomon o tipigan apan ang iyang patigayon maghatag ug daghang pagkaon ug maayong bisti alang niadtong nagpuyo atubangan sa Ginoo.

Mateo 14:1

Niadtong panahona si Herodes nga gobernador nakadungog sa kabantog ni Jesus.

Mateo 14:3

Si Herodes mao ang nagpadakop kang Juan, iyang gipagapos siya ug gipabilanggo tungod kang Herodias nga asawa ni Felipe nga igsoon ni Herodes

Mateo 14:6

Apan sa kasumaran sa adlawng natawhan ni Herodes, ang babayeng anak ni Herodias misayaw sa atubangan sa mga dinapit ug kini nakapahimuot kang Herodes.

Mateo 2:11

Sa pagsulod na nila sa balay, ilang nakita ang bata uban kang Maria nga iyang inahan, ug sila miluhod ug misimba sa bata. Ug sa naukban na nila ang ilang mga bahandi, ilang gihalaran siya ug mga gasa: bulawan ug insenso ug mira.

Mateo 20:8

Ug sa pagkakilomkilom na, ang tag-iya sa parasan miingon sa iyang piniyalan, ‘Tawga na ang mga mamumuo ug ihatag kanila ang ilang mga suhol, sugod sa mga naulahi hangtod sa mga nauna.’

Mateo 25:40

Unya sa pagtubag ang Hari moingon kanila, ‘Sa pagkatinuod, sultihan ko kamo, ingon nga gibuhat ninyo kini ngadto sa usa sa labing ubos niining akong mga igsoon, gibuhat usab ninyo kini kanako.’

Mateo 26:11

Ang mga kabos kanunayng anaa uban kaninyo apan ako dili kanunayng ania kaninyo.

Mateo 27:55

Ug usab didtoy daghang mga babaye nga nagpaantaw, nga misunod kang Jesus sukad pa sa Galilea sa pag-alagad kaniya.

Lucas 24:10

Ug ang nagsugilon niini ngadto sa mga apostoles mao sila si Maria Magdalena ug si Juana ug si Maria nga inahan ni Santiago ug ang ubang mga babaye nga mga kauban nila.

Juan 12:6

Kini gisulti niya, dili tungod kay siya may kahangawa alang sa mga kabos, kondili tungod kay siya kawatan man ug kay siya mao man ang tigtipig sa sudlanan sa salapi nga ang isulod niini iyang kuhaan.

Mga Buhat 13:1

Ug didto sa iglesia sa Antioquia dihay mga propeta ug mga magtutudlo nga mao sila si Bernabe, si Simeon nga ginganlan ug Negro, si Lucio nga taga-Cirene, si Manaen nga sakop sa panimalay ni Herodes nga gobernador ug si Saulo.

2 Mga Taga-Corinto 8:9

Kay kamo nasayod sa grasya sa atong Ginoong Jesu-Cristo, nga bisan tuod siya dato, siya nahimong kabos tungod ug alang kaninyo aron nga pinaagi sa iyang kakabos kamo mahimong dato.

Mga Taga-Filipos 4:22

Ang tanang balaan ilabi na sa mga sakop sa panimalay ni Cesar, nangumosta kaninyo.

1 Timoteo 5:10

namatud-an nga maayo ug binuhatan, kon nagmatuto ug mga anak, nagpakita sa pagkamaabiabihon, nanghugas sa mga tiil sa mga balaan, nagtabang sa mga nagkalisodlisod, ug nagmakugihon sa pagbuhat ug maayo sa tanang paagi.