Lucas 8:18

Ang Biblia 2011

Busa pagbantay kamo sa inyong pagpamati kay siya nga adunay iya, hatagan ug dugang pa, apan siya nga walay iya, kuhaan bisan pa sa mga butang nga iyang gituohan nga anaa kaniya.”

Cross References

Mga Panultihon 14:12

Adunay dalan nga daw matarong alang sa usa ka tawo, apan ang kataposan niini mao ang dalan ngadto sa kamatayon.

Mateo 13:12

Kay siya nga adunay iya, hatagan pa gayod ug magmadagayaon siya, apan siya nga walay iya, bisan ang anaa kaniya kuhaon pa gayod.

Mateo 25:29

Kay ang matag usa nga adunay iya hatagan ug dugang pa ug makabaton siya sa kadagaya. Apan siya nga walay iya, kuhaan sa bisan unsa nga anaa kaniya.

Marcos 13:14

“Apan inigkakita ninyo sa makalilisang nga pasipala nga gipahimutang diha sa dapit diin dili kini angay (pasabta niini ang nagbasa), ang mga atua sa Judea pakagiwa ngadto sa kabukiran.

Lucas 19:26

‘Sultihan ko kamo, siya nga adunay iya hatagan ug labaw pa, apan siya nga walay iya, kuhaan sa bisan unsa nga anaa kaniya.

Lucas 9:44

“Ipatidlom kining mga pulonga diha sa inyong mga dalunggan, kay ang Anak sa Tawo itugyan ngadto sa mga kamot sa mga tawo.”

Juan 15:2

Ang tanan nakong sanga nga wala mamunga, iyang pamutlon ug ang tanang sanga nga namunga, iyang pul-ongan aron kini mamunga ug daghan pa.

Mga Buhat 10:33

Busa gipasugoan ko dayon ikaw, ug gikaluoy nimo ang pag-anhi. Ug kaming tanan ania karon dinhi sa atubangan sa Dios aron sa pagpamati sa tanan nga gisugo kanimo sa Ginoo.”

Mga Buhat 17:11

Unya kini nga mga Judio ligdong pa kay sa mga Judio didto sa Tesalonica kay sila midawat sa pulong uban sa bug-os nga kaikag, matag adlaw nagsusi sa kasulatan kon tinuod ba kining mga butanga.

Roma 12:3

Kay ako nagsulti pinaagi sa grasya nga gihatag kanako ngadto sa matag usa kaninyo sa dili paghunahuna ug labaw sa angay ninyo nga hunahunaon mahitungod sa inyong kaugalingon, kondili sa paghunahuna uban sa kaligdong sibo sa gidak-on sa pagtuo nga gihatag sa Dios sa matag usa.

1 Mga Taga-Corinto 14:37

Kon adunay maghunahuna nga siya propeta, o espirituhanon, kinahanglan nga moila siya nga kining akong gisulat kaninyo sugo sa Ginoo.

1 Mga Taga-Corinto 3:18

Kinahanglang walay usa nga maglimbong sa iyang kaugalingon. Kon aduna kaninyoy maghunahuna nga siya maalamon niining panahona, kinahanglang magpakabuang siya aron mahimo siyang maalamon.

1 Mga Taga-Corinto 8:2

Kon adunay naghunahuna nga siya nahibalo sa bisan unsa, siya wala pa mahibalo sa angay niyang mahibaloan.

Mga Taga-Filipos 3:4

Bisan ako adunay pagsalig usab sa unod. Kon adunay laing tawo nga naghunahuna sa pagsalig sa unod, ako labaw pa.

Mga Hebreo 2:1

Busa gikinahanglan nga tagdon pa gayod nato pag-ayo ang mga butang nga atong nadungog, kay basin unya ug maanod kita gikan niini.