Lucas 8:13

Ang Biblia 2011

Ang diha sa bato mao kadto sila nga sa ilang pagkadungog, midawat sa pulong uban sa kalipay apan wala kini silay gamot, sila mituo sa makadiyot ug unya sa panahon sa pagsulay sila mobiya.

Cross References

Job 19:28

Kon ikaw moingon, ‘Unsaon nato siya paggukod?’ ug, ‘Ang gamot sa maong butang nakita diha kaniya’;

Mga Panultihon 12:12

Ang lig-ong tore sa daotan malaglag, apan ang gamot sa matarong malig-on.

Mga Panultihon 12:3

Ang usa ka tawo dili malig-on pinaagi sa pagkadaotan, apan ang gamot sa matarong dili matarog.

Isaias 58:2

Bisan pa niini sila nangita kanako matag adlaw, ug nahimuot sa pag-ila sa akong mga pamaagi, daw usa ka nasod nga nagbuhat sa pagkamatarong ug wala magsalikway sa tulumanon sa ilang Dios; sila nangayo kanako ug matarong nga mga paghukom, sila nahimuot sa pagpaduol ngadto sa Dios.

Ezequiel 33:32

Alang kanila ikaw sama sa usa ka awit sa gugma sa usa nga may matahom nga tingog ug maayong motugtog sa usa ka tulunggon, kay sila mamati sa imong mga pulong, apan sila dili motuman niini.

Oseas 6:4

Unsay buhaton nako kanimo, O Ephraim? Unsay buhaton nako kanimo, O Juda? Ang imong gugma sama sa panganod sa kabuntagon, sama sa yamog nga sayong mahanaw.

Marcos 6:20

tungod kay si Herodes nahadlok man kang Juan, kay nahibaloan man niya nga siya matarong ug balaan nga pagkatawo, ug gipanalipdan niya siya. Ug sa iyang pagkadungog kang Juan, siya nalibog pag-ayo apan iyang gikalipay ang pagpamati kang Juan.

Lucas 8:12

Ang diha sa daplin sa dalan mao ang nakadungog, unya ang yawa miabot ug gikuha ang pulong gikan sa ilang mga kasingkasing aron dili sila motuo ug maluwas.

Lucas 8:14

Ug kadtong nangahulog sa kasampinitan, mao kadtong nakadungog apan sa ilang pagpadayon gilumsan sila sa mga kabalaka ug sa mga bahandi ug sa mga kahilayan sa kinabuhi ug ang ilang mga bunga dili mahinog.

Juan 15:2

Ang tanan nakong sanga nga wala mamunga, iyang pamutlon ug ang tanang sanga nga namunga, iyang pul-ongan aron kini mamunga ug daghan pa.

Juan 15:6

Kon adunay dili magpabilin kanako, isalibay siya sama sa sanga ug malaya, ug pundokon kini ug iitsa ngadto sa kalayo ug mangasunog.

Juan 5:35

Si Juan usa ka suga nga nagsiga ug nagdan-ag, ug sulod sa usa ka panahon gikahimut-an ninyo ang pagkalipay diha sa iyang kahayag.

1 Mga Taga-Corinto 13:2

Ug kon ako adunay gahom pagpropesiya, ug makasabot sa tanang mga misteryo ug sa tanang kahibalo, ug kon ako adunay hingpit nga pagtuo nga makapabalhin ug mga bukid, apan walay gugma, ako walay kapuslanan.

1 Mga Taga-Corinto 15:2

Pinaagi niini kamo naluwas, kon inyong huptan ang pulong sa Maayong Balita nga akong giwali kaninyo, gawas kon taphaw lamang ang inyong pagtuo.

Mga Taga-Galacia 3:1

O mga hungog nga taga-Galacia! Kinsa bay naglamat kaninyo? Sa atubangan sa inyong mga mata si Jesu-Cristo tataw nga gipasundayag nga gilansang diha sa krus.

Mga Taga-Galacia 3:4

Giantos ba ninyo ang daghang mga butang sa wala lamay kapuslanan?—kon kini wala gayoy kapuslanan.

Mga Taga-Efeso 3:17

ug aron si Cristo magpuyo diha sa inyong mga kasingkasing pinaagi sa pagtuo, aron kamo, ingon nga mga pinagamot ug pinasukad diha sa gugma,

Mga Taga-Colosas 1:23

kon kamo magpadayon gayod sa pagtuo, dili matarog ug lig-on ug dili mobulag sa paglaom sa Maayong Balita nga inyong nadungog nga giwali ngadto sa tanang mga binuhat ilalom sa langit ug nga niini ako, si Pablo, nahimong alagad.

Mga Taga-Colosas 2:7

pinagamot ug pinatubo diha kaniya ug gilig-on diha sa pagtuo, ingon nga gitudloan kamo niini, nag-awas sa pagpasalamat.

1 Mga Taga-Tesalonica 3:5

Tungod niini, sa wala na ako makaantos, nagsugo ako aron masayod mahitungod sa inyong pagtuo, sa kahadlok nga tingali ug nagpatintal kamo sa maninintal ug nga nakawang lamang ang among pagpangabudlay.

1 Timoteo 1:19

magbaton ug pagtuo ug maayong tanlag. Ang uban nga nagsalikway niini nangalunod sa ilang pagtuo.

Mga Hebreo 10:39

Apan dili kita uban sa mga nanibog ug nangalaglag, kondili uban sa mga may pagtuo ngadto sa pagluwas sa ilang mga kalag.

Santiago 2:26

Kay ingon nga patay ang lawas nga walay espiritu, mao man usab, patay ang pagtuo nga walay binuhatan.

2 Pedro 2:20

Kay kon makalingkawas sila gikan sa kahugawan sa kalibotan pinaagi sa ilang kahibalo sa atong Ginoo ug Manluluwas nga si Jesu-Cristo apan magapos na usab sila niini ug mabuntog, ang ulahing kahimtang nila labaw pa unya ka ngil-ad kay sa una.

2 Pedro 2:22

Apan nahitabo kini kanila sumala sa tinuod nga sanglitanan: Gibalikan sa iro ang iyang sinuka, ug ang baboy giligo aron lamang mobalik paglunang sa lapok.

1 Juan 2:19

Sila namiya gikan kanato, apan sila dili kauban nato kay kon sila kauban pa nato, magpabilin unta sila uban kanato apan namahawa sila aron makita nga silang tanan dili diay kauban nato.

Judas 1:12

Kining mga tawhana mga buling diha sa inyong mga pagsalosalo, nangumbira uban kaninyo, sa walay kaikog nagbusog sa ilang kaugalingon; kining mga tawhana mga panganod nga walay dalang ulan ug gipadpad sa hangin; mga kahoy nga walay mga bunga sa panahon sa tingbunga, makaduha mamatay, naibot.