Lucas 7:50

Ang Biblia 2011

Ug siya miingon sa babaye, “Ang imong pagsalig nakaluwas kanimo. Lakaw nga malinawon.”

Cross References

Ecclesiastes 9:7

Lakaw, kan-a ang imong pan uban ang kalipay, ug imna ang imong bino uban ang malipayong kasingkasing, kay gidawat na sa Dios ang imong gibuhat.

Habacuc 2:4

Tan-awa, siya nga ang kalag dili matarong diha kaniya mapakyas, apan ang matarong mabuhi pinaagi sa iyang pagtuo.

Mateo 9:22

Si Jesus miliso ug sa iyang pagkakita kaniya, miingon, “Paglipay anak, ang imong pagsalig nakaayo kanimo.” Ug dihadiha ang babaye naayo.

Marcos 10:52

Si Jesus miingon kaniya, “Lakaw! Ang imong pagtuo nakapaayo kanimo.” Ug dihadiha nakakita na siya ug mikuyog siya kang Jesus diha sa dalan.

Marcos 5:34

Ug si Jesus miingon kaniya, “Anak, ang imong pagsalig nakaayo kanimo. Lakaw nga malinawon ug maayo na ikaw gikan sa imong sakit.”

Lucas 17:19

Ug si Jesus miingon kaniya, “Tindog ug lakaw, ang imong pagsalig nakapaayo kanimo.”

Lucas 18:42

Si Jesus miingon kaniya, “Makakita ka na, ang imong pagsalig nakapaayo kanimo.”

Lucas 7:9

Sa pagkadungog niya niini, si Jesus nahibulong kaniya, ug milingi ug miingon ngadto sa pundok sa katawhan nga mikuyog kaniya, “Sultihan ko kamo, bisan gani sa Israel wala pa akoy nakitang pagsalig nga sama niini.”

Lucas 8:18

Busa pagbantay kamo sa inyong pagpamati kay siya nga adunay iya, hatagan ug dugang pa, apan siya nga walay iya, kuhaan bisan pa sa mga butang nga iyang gituohan nga anaa kaniya.”

Lucas 8:42

kay siya may bugtong nga anak nga babaye, nga may napulo ug duha ka tuig ang panuigon, ug siya himatyon. Sa paglakaw ni Jesus, ang mga tawo midutdot libot kaniya.

Lucas 8:48

Ug si Jesus miingon kaniya, “Anak, ang imong pagsalig nakapaayo kanimo. Lakaw nga malinawon.”

1 Samuel 1:17

Unya si Eli mitubag, “Lakaw uban ang kalinaw, ug ang Dios sa Israel maghatag sa imong hangyo nga gipangayo nimo kaniya.”