Lucas 7:46

Ang Biblia 2011

Wala nimo hisoi ug lana ang akong ulo, apan ang akong mga tiil iyang gidihogan ug pahumot.

Cross References

2 Samuel 12:20

Unya si David mibangon gikan sa yuta ug naligo ug nagdihog sa iyang kaugalingon ug nag-ilis sa iyang bisti. Ug miadto siya sa balay sa Ginoo ug misimba. Unya miadto siya sa iyang kaugalingong balay ug sa dihang nangayo siya, sila midulot ug pagkaon sa iyang atubangan ug siya mikaon.

2 Samuel 14:2

Ug si Joab nagpaadto ngadto sa Tekoa, ug gipakuha gikan didto ang usa ka maalamong babaye ug miingon kaniya, “Pagpakaaron-ingnon nga nagbangutan ikaw ug pagsul-ob ug bisti sa pagbangutan; ayaw dihogi ang imong kaugalingon ug lana, apan pagpakaaron-ingnon nga ikaw usa ka babaye nga dugay nang nagbangutan tungod sa namatay.

Salmo 104:15

ug sa bino nga makalipay sa kasingkasing sa tawo, lana nga makapasinaw sa iyang nawong, ug pan nga makapalig-on sa kasingkasing sa tawo.

Salmo 23:5

Nag-andam ikaw ug pagkaon sa akong atubangan tinambongan sa akong mga kaaway; gidihogan nimo ug lana ang akong ulo; ang akong kupa nag-awas.

Ecclesiastes 9:8

Himoa nga ang imong mga bisti puti kanunay; ug ayaw itugot nga ang imong ulo makulangan ug lana.

Daniel 10:3

Ako wala mokaon ug maayong mga pagkaon, walay karne o bino nga misulod sa akong baba, ug wala ako magdihog sa akong kaugalingon, sulod sa tibuok tulo ka semana.

Amos 6:6

sila nga nag-inom sa bino diha sa mga panaksan, ug nagdihog sa ilang kaugalingon sa mga piniling igdidihog, apan wala masubo sa pagkalaglag ni Jose!

Miqueas 6:15

Magpugas ikaw, apan dili makaani; ikaw magpuga sa mga olibo, apan dili ikaw makadihog sa imong kaugalingon ug lana; ikaw magpuga sa paras, apan dili makainom ug bino.

Mateo 6:17

Apan ikaw, sa dihang magpuasa ka, panghiso sa imong ulo ug panghilam-os sa imong nawong

Lucas 7:47

Busa tungod niini, sultihan ko ikaw, ang iyang mga sala nga daghan gipasaylo kay dako man ang iyang paghigugma, apan siya nga gipasaylo ug diyotay lamang, gamay ra ug paghigugma.”

Ruth 3:3

Busa kaligo ug pagpahumot ug isul-ob ang imong labing maayong bisti ug lakaw ngadto sa giokanan. Apan ayaw pagpaila sa imong kaugalingon ngadto sa tawo hangtod nga siya makakaon na ug makainom.