Lucas 7:33

Ang Biblia 2011

Kay si Juan nga Tigbautismo mianhi nga wala magkaon ug pan o mag-inom ug bino, ug miingon kamo, ‘Gidemonyohan siya.’

Cross References

Mateo 10:25

Igo na alang sa tinun-an nga mahisama sa iyang magtutudlo ug sa ulipon nga mahisama sa iyang agalon. Kon ang pangulo sa panimalay ilang ginganlan ug Beelzebul, unsa pa kaha ka ngil-ad sa ilang ingalan sa mga sakop sa iyang panimalay!

Mateo 3:1

Niadtong mga adlawa miabot si Juan nga Tigbautismo nga nagwali didto sa kamingawan sa Judea ug nag-ingon,

Mateo 3:4

Unya si Juan nagsul-ob ug bisti nga balhibo sa kamilyo ug usa ka bakos nga panit sa iyang hawak ug ang iyang kan-onon dulon ug dugos nga ihalas.

Marcos 1:6

Si Juan nagsul-ob ug bisti nga balhibo sa kamilyo ug may bakos nga panit diha sa iyang hawak, ug ang iyang kan-onon dulon ug dugos nga ihalas.

Lucas 1:15

kay siya mahimong bantogan sa atubangan sa Ginoo, dili siya moinom ug bino o isog nga ilimnon, ug siya mapuno sa Espiritu Santo, bisan sa diha pa siya sa tiyan sa iyang inahan.

Lucas 7:32

Sama sila sa mga bata nga naglingkod sa merkado ug nagsininggitay ngadto sa usa ug usa, ‘Gitukaran kamo namo ug plawta, apan wala kamo mosayaw, nagminatay kami apan wala kamo mohilak.’

Lucas 7:34

Ang Anak sa Tawo mianhi nga nagkaon ug nag-inom, ug kamo miingon, ‘Tan-awa, usa ka tawong palakaon ug palahubog, higala sa mga tigpaningil ug buhis ug sa mga makasasala!’

Juan 10:20

Daghan kanila ang nag-ingon, “Kini siya gidemonyohan ug nabuang. Nganong mamati man kamo kaniya?”

Juan 8:48

Ang mga Judio mitubag nga nag-ingon kaniya, “Dili ba nagsulti man kami sa husto nga ikaw usa ka Samarianhon ug gidemonyohan?”

Juan 8:52

Ug ang mga Judio miingon kaniya, “Karon nasuta na gayod namo nga ikaw gidemonyohan. Si Abraham namatay, ingon man ang mga propeta ug unya moingon ikaw, ‘Kon adunay magtuman sa akong pulong, siya dili gayod makatilaw ug kamatayon.’

Mga Buhat 2:13

Apan ang uban nga nagbugalbugal miingon, “Sila nangahubog sa tam-is nga bino.”