Lucas 7:27

Ang Biblia 2011

Kay kini siya mao man ang gihisgotan sa nasulat, ‘Tan-awa, ako magpadala sa akong mensahero una kanimo, nga mao ang mag-andam sa imong agianan sa atubangan nimo.’

Cross References

Isaias 40:3

Usa ka tingog nga nagsinggit, “Andama ninyo sa kamingawan ang dalan sa Ginoo, himoang tul-id diha sa kamingawan ang usa ka lapad nga dalan alang sa atong Dios.

Malaquias 3:1

“Tan-awa, ako magpadala sa akong sinugo, aron sa pag-andam sa dalan una kanako, ug sa kalit ang Ginoo nga inyong gipangita moabot sa iyang Templo; ang sinugo sa kasabotan nga inyong gikahimut-an, siya moabot na, nag-ingon ang Ginoo sa mga panon.

Mateo 11:10

Kay kini siya mao man ang gihisgotan sa nasulat, ‘Tan-awa, ako magpadala sa akong mensahero una kanimo, siya mao ang mag-andam sa imong dalan una kanimo.’

Marcos 1:2

Ingon sa gisulat ni Isaias nga propeta, “Tan-awa, ipadala nako ang akong sinugo nga maoy mag-una kanimo; siya mao ang mag-andam sa imong dalan,

Lucas 1:76

Ug ikaw, anak, tawgon nga propeta sa Labing Halangdon kay ikaw mao man ang mag-una sa Ginoo aron pag-andam sa iyang mga dalan,

Lucas 7:26

Unsa man gayod diay ang inyong giadto aron tan-awon? Usa ba ka propeta? Oo, sultihan ko kamo, ug labaw pa gani sa propeta.

Lucas 7:28

Sultihan ko kamo, sa mga gipanganak ug babaye, walay labaw pa kay kang Juan; apan siya nga labing gamay diha sa gingharian sa Dios dako pa kay kaniya.”

Juan 1:23

Siya miingon, “Ako mao ang tingog sa nagsinggit diha sa kamingawan, ‘Tul-ira ninyo ang agianan sa Ginoo,’ sumala sa giingon ni Isaias nga propeta.”