Lucas 7:25

Ang Biblia 2011

Unsa man diay ang inyong giadto aron tan-awon? Usa ba ka tawong nagsul-ob ug maayong bisti? Tan-awa, ang mga nagsul-ob ug mga bisti nga naggilakgilak sa katahom ug nagpuyo sa kaharuhay, anaa sa mga palasyo sa mga hari.

Cross References

2 Samuel 19:35

Ako 80 na ka tuig ang panuigon niining adlawa. Makaila pa ba ako sa unsay maayo ug sa dili? Makatilaw ba ang imong sulugoon kon unsay iyang gikaon o unsay iyang giinom? Makapamati pa ba ako sa mga mag-aawit nga lalaki ug sa mga mag-aawit nga babaye? Busa ngano nga ang imong sulugoon himoon pa man nga dugang nga palas-anon sa akong agalon nga hari?

1 Mga Hari 10:5

sa pagkaon nga diha sa iyang lamisa, sa pagpahimutang sa iyang mga tinugyanan, sa pamisti ug kahanas sa iyang mga sulugoon, sa tigtagay sa ilimnon ug sa iyang mga halad nga sunogon nga iyang gihalad sa balay sa Ginoo, nahingangha siya pag-ayo.

2 Mga Hari 1:8

Sila mitubag kaniya, “Siya balhiboon ug nagbakos ug usa ka bakos nga panit diha sa iyang hawak.” Ug siya miingon, “Kadto mao si Elias nga Tisbihanon.”

Ester 1:11

sa pagdala kang Rayna Vasti sa atubangan sa hari uban ang iyang harianong korona aron sa pagpakita sa iyang kaanyag ngadto sa mga katawhan ug sa mga pangulo kay siya matahom man nga tan-awon.

Ester 1:3

sa ikatulo nga tuig sa iyang paghari, siya naghimo ug usa ka kombira alang sa tanan niyang mga pangulo ug mga alagad. Ang kasundalohan sa Persia ug sa Media ug ang mga kadagkoan ug ang mga gobernador sa mga lalawigan diha sa iyang atubangan,

Ester 4:2

Miadto siya sa atubangan sa ganghaan sa hari kay walay makasulod sa ganghaan sa hari nga magbisti ug sako.

Ester 5:1

Sa ikatulo nga adlaw, si Ester nagsul-ob sa iyang harianong bisti, ug mitindog sa sulod nga hawanan sa balay sa hari atbang sa hawanan sa hari. Ang hari naglingkod sa iyang harianang trono sulod sa balay atbang sa pultahan sa balay.

Ester 8:15

Unya si Mardoqueo migula gikan sa atubangan sa hari diha sa harianong bisti nga asul ug puti, uban sa usa ka dakong korona nga bulawan ug usa ka kupo nga pinong lino ug mahalong panapton nga tapol samtang ang siyudad sa Susa nagsinggit ug naglipay.

Isaias 59:17

Iyang gisul-ob ang pagkamatarong ingon nga usa taming sa dughan, ug ang helmet sa kaluwasan sa iyang ulo; iyang gisul-ob ang mga bisti sa panimalos ingon nga bisti ug gitabonan ang iyang kaugalingon sa kapungot ingon sa usa ka kupo.

Mateo 11:8

Nganong miadto man kamo didto? Aron ba sa pagtan-aw sa usa ka tawo nga nagsul-ob ug luho nga mga bisti? Tan-awa, ang nagsul-ob ug luho nga mga bisti anaa sa mga balay sa mga hari.

Mateo 3:4

Unya si Juan nagsul-ob ug bisti nga balhibo sa kamilyo ug usa ka bakos nga panit sa iyang hawak ug ang iyang kan-onon dulon ug dugos nga ihalas.

Mateo 6:29

Apan sultihan ko kamo nga bisan pa si Solomon sa tibuok niyang himaya wala gani makabisti sama sa usa kanila.

Lucas 16:19

“Dihay usa ka tawong dato nga nagbisti ug mahalong panapton nga tapol ug pino nga lino ug nagkaon sa makabuhong nga pagkaon matag adlaw.

Lucas 7:24

Sa nakalakaw na ang mga sinugo ni Juan, siya misugod sa pagsulti ngadto sa mga panon sa katawhan mahitungod kang Juan. Siya miingon, “Unsa bay inyong giadto aron tan-awon didto sa kamingawan? Bugang ba nga gikusokuso sa hangin?

Lucas 7:26

Unsa man gayod diay ang inyong giadto aron tan-awon? Usa ba ka propeta? Oo, sultihan ko kamo, ug labaw pa gani sa propeta.