Lucas 7:24

Ang Biblia 2011

Sa nakalakaw na ang mga sinugo ni Juan, siya misugod sa pagsulti ngadto sa mga panon sa katawhan mahitungod kang Juan. Siya miingon, “Unsa bay inyong giadto aron tan-awon didto sa kamingawan? Bugang ba nga gikusokuso sa hangin?

Cross References

Genesis 49:4

Dili mahimutang sama sa tubig; dili ikaw mahimong pangulo, kay misaka ikaw sa higdaanan sa imong amahan, unya gihugawan nimo kini, gisaka nimo ang akong higdaanan.

Lucas 1:80

Unya ang bata midako ug nahimong lig-on sa espiritu, ug didto siya magpuyo sa kamingawan hangtod sa adlaw sa iyang pagpakita ngadto sa Israel.

Lucas 3:2

sa diha nga ang mga labawng pangulong pari mao si Anas ug si Caifas, ang pulong sa Dios miabot kang Juan nga anak ni Zacarias didto sa kamingawan.

Lucas 7:23

Ug bulahan siya nga wala mapandol kanako.”

Lucas 7:25

Unsa man diay ang inyong giadto aron tan-awon? Usa ba ka tawong nagsul-ob ug maayong bisti? Tan-awa, ang mga nagsul-ob ug mga bisti nga naggilakgilak sa katahom ug nagpuyo sa kaharuhay, anaa sa mga palasyo sa mga hari.

Juan 1:23

Siya miingon, “Ako mao ang tingog sa nagsinggit diha sa kamingawan, ‘Tul-ira ninyo ang agianan sa Ginoo,’ sumala sa giingon ni Isaias nga propeta.”

Mga Taga-Efeso 4:14

aron kita dili magpabilin nga mga bata nga mapadpad ngadto nganhi ug madala sa matag hangin sa doktrina pinaagi sa kaigmat ug lipatlipat sa mga tawo nga batid sa pagmugnag kasaypanan.

2 Pedro 2:17

Kini sila mga tuboran nga walay tubig ug mga panganod nga gipalid sa unos. Gitagana alang kanila ang kangiob sa kangitngit.

2 Pedro 3:17

Busa mga hinigugma, kamo nga nasayod nang daan niini, pagbantay kay basin unya ug madala kamo sa kasaypanan sa mga tawong malapason ug mangapukan kamo gikan sa inyong kalig-on.