Lucas 7:19

Ang Biblia 2011

Ug si Juan, sa natawag niya ang duha sa iyang mga tinun-an, misugo kanila ngadto sa Ginoo sa pag-ingon, “Ikaw ba kadtong moanhi, o magpaabot pa kami ug lain?”

Cross References

Genesis 22:18

Ug pinaagi sa imong kaliwat ang tanang nasod sa yuta magpanalangin sa ilang kaugalingon kay gituman man nimo ang akong tingog.”

Genesis 3:15

Ug ibutang nako ang panag-away tali kanimo ug sa babaye ug tali sa imong kaliwat ug sa iyang kaliwat; siya magsamad sa imong ulo, ug ikaw magsamad sa iyang tikod.”

Genesis 49:10

Ang sitro dili mobiya gikan kang Juda, o ang baston sa tigmando gikan sa taliwala sa iyang mga tiil, hangtod nga siya nga tag-iya niini moabot ug maiya ang pagkamasinugtanon sa mga katawhan.

Isaias 11:1

Adunay motunga nga saha gikan sa tuod ni Jesse, ug usa ka sanga motubo gikan sa iyang mga gamot.

Isaias 7:14

Busa ang Ginoo gayod maoy maghatag kaninyo ug usa ka ilhanan. Tan-awa, ang usa ka batan-ong babaye magsamkon, ug manganak ug usa ka batang lalaki, ug tawgon ang iyang ngalan ug Emmanuel.

Miqueas 5:2

Apan ikaw, O Betlehem Efrata, ikaw nga gamayng lungsod diha sa kabanayan sa Juda, gikan kanimo mogula alang kanako ang mahimong tigmando sa Israel, nga ang kagikan gikan pa sa kanhing panahon, gikan sa kakaraanan.

Hageo 2:7

ug uyogon nako ang tanang mga nasod aron ang mga bahandi sa tanang mga nasod moabot ug pun-on nako sa himaya kining balaya, nag-ingon ang Ginoo sa mga panon.

Zacarias 9:9

Paglipay sa hilabihan, O anak nga babaye sa Zion! Singgit ug kusog, O anak nga babaye sa Jerusalem! Tan-awa, ang imong hari mianhi kanimo, malamposon ug madaogon siya, mapaubsanon ug nagsakay sa asno, sa usa ka nati nga asno.

Malaquias 4:2

Apan kaninyo nga may kahadlok sa akong ngalan, ang adlaw sa pagkamatarong mosubang nga nagdala ug kaayohan sa iyang mga pako. Kamo manggula nga magluksolukso sama sa mga nating baka sa toril.

Marcos 6:7

Ang napulo ug duha iyang gitawag ngadto kaniya ug gisugdan niya ang pagpadala kanila nga tinagurha, ug gihatagan niya sila ug kagahom batok sa mga hugaw nga espiritu.

Lucas 10:1

Human niini ang Ginoo nagpili ug lain pang kapitoan, ug gisugo sila sa pag-una kaniya nga nagtinagurha ngadto sa tanang lungsod ug dapit nga iyang adtoon.

Lucas 11:1

Sa nag-ampo si Jesus didto sa usa ka dapit, sa pag-undang niya, usa sa iyang mga tinun-an miingon kaniya, “Ginoo, tudloi kami sa pag-ampo, ingon nga si Juan nagtudlo usab sa iyang mga tinun-an.”

Lucas 11:39

Ug ang Ginoo miingon kaniya, “Kamong mga Pariseo naghinlo sa gawas sa kupa ug sa plato, apan sa sulod kamo puno sa panikas ug kadaotan.

Lucas 12:42

Ug ang Ginoo mitubag, “Kinsa man diay ang kasaligan ug maalamon nga piniyalan nga tugyanan sa iyang agalon sa pagdumala sa iyang panimalay, sa paghatag kanila sa ilang bahin sa pagkaon sa hustong panahon?

Lucas 13:15

Ug ang Ginoo mitubag kaniya, “Mga tigpakaaron-ingnon! Dili ba nga ang matag usa kaninyo, sa adlaw nga igpapahulay, magbadbad sa iyang baka o sa iyang asno gikan sa kuwadra, ug dad-on kini sa gawas aron paimnon?

Lucas 17:5

Unya ang mga apostoles miingon sa Ginoo, “Dugangi ang among pagtuo!”

Lucas 17:6

Ang Ginoo miingon, “Kon kamo adunay pagtuo nga sama sa liso sa mustasa, makaingon kamo niining kahoy nga sikomoro, ‘Maibot ug matanom ka sa lawod,’ ug kini motuman kaninyo.

Lucas 18:6

Ug ang Ginoo miingon, “Pamatia ninyo unsay giingon sa dili matarong nga maghuhukom.

Lucas 19:8

Ug si Zaqueo mitindog ug miingon sa Ginoo, “Tan-awa, Ginoo, ang katunga sa akong katigayonan ihatag nako sa mga kabos, ug kon aduna man kanilay akong gilimbongan ug bisan unsa, ulian nako siya sa upat ka pilo.”

Lucas 22:61

Ug ang Ginoo milingi ug mitutok kang Pedro. Ug si Pedro nahinumdom sa pulong sa Ginoo, sa iyang pag-ingon kaniya, “Sa dili pa motuktugaok ang manok karong adlawa, ilimod nimo ako sa makatulo.”

Lucas 24:34

nga miingon, “Tinuod gayod nga nabanhaw ang Ginoo ug mipakita kang Simon!”

Lucas 7:13

Sa pagkakita sa Ginoo sa biyuda, siya naluoy kaniya ug miingon kaniya, “Ayaw na paghilak.”

Lucas 7:20

Sa pag-abot sa mga tawo ngadto kaniya, sila miingon, “Gipaanhi kami ni Juan nga Tigbautismo sa pagpangutana kanimo, ‘Ikaw ba kadtong moanhi, o magpaabot pa ba kami ug lain?’ ”

Juan 11:2

Kini si Maria mao ang nagdihog sa Ginoo ug pahumot ug nagpahid sa iyang mga tiil pinaagi sa buhok niya ug nga ang igsoon niya nga si Lazaro nasakit.

Juan 4:1

Sa dihang nasayod si Jesus nga ang mga Pariseo nakadungog nga siya naghimo ug namautismo ug daghan pang mga tinun-an kay kang Juan,

Juan 4:25

Ang babaye miingon kaniya, “Ako nasayod nga ang Mesias taliabot (siya nga gitawag ug Cristo). Sa pag-abot na unya niya, isaysay niya kanato ang tanang mga butang.”

Juan 6:23

Apan didtoy mga gagmayng sakayan gikan sa Tiberias nga midunggo duol sa dapit diin sila nangaon ug pan human makapasalamat ang Ginoo.

Josue 2:1

Ug si Josue nga anak ni Nun nagsugo sa hilom ug duha ka tawo ingon nga tigpaniid gikan sa Sitim ug miingon, “Panglakaw kamo, tan-awa ang yuta, ilabi na ang Jerico.” Ug sila nanglakaw ug miadto sa balay sa usa ka babaye nga nagbaligya sa iyang dungog nga ginganlan ug Rahab ug mipabilin sila didto.

Gipadayag 11:3

Ug ang akong duha ka saksi nga nagsul-ob ug mga bisti nga sako, hatagan nako ug kagahom sa pagpropesiya sulod sa 1,260 ka adlaw.”