Lucas 7:12

Ang Biblia 2011

Ug sa nagkaduol na siya sa ganghaan sa lungsod, dihay minatay nga giyayongan paingon sa gawas, bugtong anak nga lalaki sa iyang inahan nga biyuda. Usa ka dakong panon sa katawhan gikan sa lungsod mikuyog sa biyuda.

Cross References

Genesis 22:12

Ug siya miingon, “Ayaw bakyawa ang imong kamot batok sa bata o magbuhat kaniya sa bisan unsa kay karon akong naila nga ikaw nahadlok sa Dios, sa nakita nako nga wala ikaw maghikaw sa imong bugtong nga anak ngari kanako.”

Genesis 22:2

Ug siya miingon, “Kuhaa karon ang imong anak, ang bugtong nimong anak nga si Isaac nga imong pinalangga, ug lakaw ngadto sa yuta sa Moria ug didto ihalad siya ingon nga halad nga sunogon didto sa usa sa mga bukid nga akong isulti kanimo.”

2 Samuel 14:7

Karon ang tibuok panimalay mitindog batok sa imong sulugoon nga babaye ug sila miingon, ‘Ihatag siya nga nagpatay sa iyang igsoon nga lalaki, aron patyon namo siya alang sa kinabuhi sa iyang igsoon nga iyang gipatay,’ ug malaglag usab nila ang manununod. Sa ingon niini mapalong nila ang baga nga nahibilin kanako, ug walay mahibilin sa akong bana nga ngalan o salin sa ibabaw sa yuta.”

1 Mga Hari 17:12

Ug siya miingon, “Ingon nga ang Ginoo nga imong Dios buhi, wala akoy naluto. Usa na lang ka kumkom nga harina ang anaa sa tadyaw ug diyotayng lana nga anaa sa tibodtibod. Nangahoy ako aron mouli ug lutoon kini alang kanako ug sa akong anak nga lalaki, aron kan-on namo kini ug mangamatay.”

1 Mga Hari 17:18

Ug siya miingon kang Elias, “Unsa may inyong nasuk-an kanako, O tawo sa Dios? Mianhi ikaw aron sa pagpahinumdom kanako sa akong sala ug sa pagpatay sa akong anak!”

1 Mga Hari 17:23

Ug gikuha ni Elias ang bata, ug gidala siya sa silong gikan sa lawak sa itaas ngadto sa balay, ug gihatag siya ngadto sa iyang inahan. Ug si Elias miingon, “Tan-awa, ang imong anak nabuhi.”

1 Mga Hari 17:9

“Tindog ug lakaw ngadto Zarefat nga sakop sa Sidon ug puyo didto. Ako nagsugo ug usa ka biyuda didto sa pagpakaon kanimo.”

2 Mga Hari 4:16

Ug siya miingon, “Niining panahona, sumad karon, ikaw magkugos ug usa ka anak nga lalaki.” Ug siya miingon, “Dili, akong agalon, O tawo sa Dios, ayaw pagbakak sa imong sulugoon.”

2 Mga Hari 4:20

Sa dihang gisakwat siya ug gidala ngadto sa iyang inahan, ang bata milingkod sa iyang mga paa hangtod sa kaudtohon ug unya namatay.

Job 29:13

Ang panalangin niadtong duol sa kamatayon miabot kanako, ug ang kasingkasing sa biyuda gipaawit nako sa kalipay.

Zacarias 12:10

“Ug ibubo nako ibabaw sa balay ni David ug sa mga nagpuyo sa Jerusalem ang espiritu sa kaluoy ug sa pagpangamuyo, aron nga sa dihang motan-aw sila kaniya nga ilang giduslak, sila magsubo tungod kaniya, sama sa magsubo tungod sa bugtong niyang anak ug maghilak pag-ayo tungod kaniya, sama sa maghilak tungod sa iyang panganay nga anak.

Lucas 7:11

Ug sa wala madugay si Jesus miadto sa usa ka lungsod nga ginganlan ug Nain, ug mikuyog kaniya ang iyang mga tinun-an ug ang usa ka dakong panon sa katawhan.

Lucas 7:13

Sa pagkakita sa Ginoo sa biyuda, siya naluoy kaniya ug miingon kaniya, “Ayaw na paghilak.”

Lucas 8:42

kay siya may bugtong nga anak nga babaye, nga may napulo ug duha ka tuig ang panuigon, ug siya himatyon. Sa paglakaw ni Jesus, ang mga tawo midutdot libot kaniya.

Lucas 8:52

Ug ang tanan nanghilak ug nagminatay tungod kaniya. Apan si Jesus miingon, “Ayaw na kamo paghilak, kay wala siya mamatay kondili natulog.”

Juan 11:19

busa daghan sa mga Judio ang nangadto kang Marta ug Maria aron sa paghupay kanila tungod sa ilang igsoon.

Mga Buhat 9:39

Busa si Pedro mitindog ug miuban kanila. Ug sa iyang pag-abot, gidala siya nila ngadto sa lawak sa itaas ug nag-alirong kaniya ang tanang mga biyuda nga nanghilak ug nagpakita kaniya sa mga kamisola ug mga bisti nga binuhat ni Dorcas samtang uban pa siya kanila.

Mga Buhat 9:41

Gitunol ni Pedro ang iyang kamot ngadto kaniya ug gipatindog niya siya. Unya iyang gitawag ang mga balaan ug ang mga biyuda, ug iyang gipakita si Dorcas nga buhi.

Santiago 1:27

Ang relihiyon nga putli ug walay buling sa atubangan sa Dios nga atong Amahan mao kini: ang pagtabang sa mga ilo ug mga biyuda diha sa ilang kalisdanan ug ang pag-amping sa kaugalingon nga dili mabulingan sa kalibotan.