Lucas 6:9

Ang Biblia 2011

Ug si Jesus miingon kanila, “Mangutana ako kaninyo, uyon ba sa Balaod ang pagbuhat ug maayo o ang pagbuhat ug daotan panahon sa adlaw nga igpapahulay, sa pagluwas ug kinabuhi o paglaglag niini?”

Cross References

Marcos 3:4

Unya siya miingon kanila, “Uyon ba sa balaod ang pagbuhat ug maayo o ang pagbuhat ug makadaot panahon sa adlaw nga igpapahulay, ang pagluwas ug kinabuhi o ang pagpatay?” Apan naghilom sila.

Lucas 14:3

Ug si Jesus misulti ngadto sa mga batid sa Balaod ug sa mga Pariseo nga nag-ingon, “Uyon ba sa Balaod o dili, ang pagpang-ayo ug masakiton panahon sa adlaw nga igpapahulay?”

Lucas 6:10

Unya gilibot niya sa pagtan-aw silang tanan ug miingon sa tawo, “Ituy-od ang imong kamot.” Iyang gihimo kini ug ang iyang kamot naulian.

Lucas 6:8

Apan siya nahibalo sa ilang mga hunahuna, ug siya miingon ngadto sa tawo nga may kamot nga mikuyos, “Barog ug tindog sa taliwala.” Busa mibarog siya.

Lucas 9:56

Ug sila mipadayon ngadto sa laing balangay.