Lucas 6:42

Ang Biblia 2011

O unsaon man nimo pag-ingon ngadto sa imong igsoon, ‘Igsoon, akong kuhaon ang puling nga anaa sa imong mata,’ nga ikaw mismo wala man makakita sa troso nga anaa sa kaugalingon nimong mata? Tigpakaaron-ingnon! Kuhaa una ang troso nga anaa sa kaugalingon nimong mata ug unya makakita ka na pag-ayo sa pagkuha sa puling nga anaa sa mata sa imong igsoon.

Cross References

Mga Panultihon 18:17

Siya nga unang magpadayag sa iyang katungod daw matarong, hangtod nga ang uban moabot ug magsusi kaniya.

Mateo 26:75

Ug si Pedro nahinumdom sa giingon ni Jesus, “Sa dili pa motuktugaok ang manok, ilimod nimo ako sa makatulo.” Ug siya migula ug mihilak sa hilabihang kasakit.

Mateo 7:3

Nganong tan-awon man nimo ang puling nga anaa sa mata sa imong igsoon ug wala hinuon nimo tagda ang troso nga anaa sa kaugalingon nimong mata?

Mateo 7:4

O unsaon man nimo pag-ingon sa imong igsoon, ‘Ambi, kuhaon nako ang puling gikan sa imong mata,’ nga anaa may troso sa kaugalingon nimong mata?

Lucas 13:15

Ug ang Ginoo mitubag kaniya, “Mga tigpakaaron-ingnon! Dili ba nga ang matag usa kaninyo, sa adlaw nga igpapahulay, magbadbad sa iyang baka o sa iyang asno gikan sa kuwadra, ug dad-on kini sa gawas aron paimnon?

Lucas 22:32

apan nag-ampo ako alang kanimo, nga unta dili maluya ang imong pagtuo, apan sa dihang mahibalik na ikaw, lig-ona ang imong mga igsoon.”

Lucas 6:41

Nganong nagtan-aw man ikaw sa puling nga anaa sa mata sa imong igsoon, apan wala hinuon magtagad sa troso nga anaa sa kaugalingon nimong mata?

Lucas 6:43

“Kay walay maayong kahoy nga mamunga ug dili maayong bunga, o dili maayong kahoy nga mamunga ug maayong bunga,

Mga Buhat 13:10

ug miingon, “Ikaw nga anak sa yawa, ikaw nga kaaway sa tanang pagkamatarong, puno sa tanang limbong ug kadaotan, dili ka ba mohunong sa pagtuis sa mga tul-id nga dalan sa Ginoo?

Mga Buhat 2:38

Ug si Pedro mitubag kanila, “Paghinulsol kamo, ug pagpabautismo ang matag usa kaninyo sa ngalan ni Jesu-Cristo alang sa kapasayloan sa inyong mga sala, ug madawat ninyo ang gasa sa Espiritu Santo.

Mga Buhat 8:21

Ikaw walay bahin o luna niining butanga kay ang imong kasingkasing dili matarong sa atubangan sa Dios.

Roma 2:1

Busa wala ka gayoy ikapasangil, O tawo, si kinsa ka man nga naghukom, kay sa imong paghukom sa uban, naghukom ikaw sa imong kaugalingon, kay ikaw nga naghukom nagbuhat man usab sa samang mga butang.

2 Mga Taga-Corinto 5:18

Ug kining tanan gikan sa Dios, nga mao ang nagpasig-uli kanato ngadto kaniya pinaagi kang Cristo, ug naghatag kanamo sa buluhaton sa pagpasig-uli

2 Timoteo 2:21

Kon ang usa ka tawo magputli sa iyang kaugalingon gikan sa butang nga dili dungganan, mahimo siyang sudlanan alang sa dungganan, binalaan ug mapuslanon sa agalon sa panimalay, andam sa tanang maayong buluhaton.

2 Pedro 1:9

Kay si bisan kinsa nga nakulangan niining mga butanga buta ug igo lamang makakita sa duol ug nakalimot nga siya nahinloan na gikan sa iyang mga sala kaniadto.