Lucas 6:30

Ang Biblia 2011

Hatagi ang matag usa nga mangayo kanimo, ug siya nga nanguha sa imong mga butang ayaw bawii niini.

Cross References

Salmo 112:9

Nanghatag siya nga madagayaon, nanghatag sa mga kabos; ang iyang pagkamatarong molungtad hangtod sa kahangtoran; ang iyang sungay bayawon diha sa kadungganan.

Salmo 41:1

Bulahan siya nga nagtagad sa mga kabos; ang Ginoo magluwas kaniya sa adlaw sa kalisdanan;

Mga Panultihon 19:17

Siya nga maayo ngadto sa kabos nagpahulam sa Ginoo, ug siya mobayad kaniya sa iyang nabuhat.

Mga Panultihon 21:26

Sa tibuok adlaw ang daotan mangibog, apan ang matarong maghatag ug dili mahinugon.

Mga Panultihon 22:9

Siya nga manggihatagon panalanginan, kay nagpaambit siya sa iyang pan ngadto sa kabos.

Ecclesiastes 11:2

Hatagi ug bahin ang pito, bisan ang walo, kay ikaw wala masayod kon unsa ang kadaot nga mahitabo ibabaw sa yuta.

Ecclesiastes 8:16

Sa diha nga gigamit nako ang akong hunahuna sa pag-ila sa kaalam, ug sa pagtan-aw sa patigayon nga gihimo ibabaw sa yuta, nga bisan sa adlaw o sa gabii ang mata wala makakita ug pahulay;

Mateo 18:35

Ingon usab niana ang buhaton kaninyo sa akong Amahan nga langitnon kon ang matag usa kaninyo dili mopasaylo sa inyong igsoon gikan sa inyong kasingkasing.”

Mateo 5:39

Apan sultihan ko kamo, ayaw ninyo balosi ang daotan. Apan kon may mosagpa kanimo sa tuo nimong aping, itaon kaniya ang pikas usab,

Mateo 6:12

ug pasayloa kami sa among mga utang sama nga gipasaylo usab namo ang mga nakautang kanamo,

Lucas 11:41

Apan ilimos ninyo kanang anaa sa sulod, ug tan-awa, ang tanan mahinlo alang kaninyo.

Lucas 12:33

Ibaligya ang inyong kabtangan, ug panghatag kamo ug limos; sangkapi ang inyong kaugalingon sa mga sudlanan sa salapi nga dili madunot, sa bahandi sa langit nga dili mahurot diin walay kawatan nga makaduol ug walay mananap nga mokutkot.

Lucas 18:22

Sa pagkadungog ni Jesus niini, siya miingon kaniya, “Usa pa ka butang ang imong kulang. Ibaligya ang tanan nimong katigayonan ug ihatag sa mga kabos, ug makaangkon ikaw ug bahandi didto sa langit, ug unya anhi ug sunod kanako.”

Lucas 6:29

Ngadto kaniya nga nagsagpa kanimo sa aping, itaon usab ang pikas ug kaniya nga nag-ilog sa imong kupo, ayaw usab ihikaw ang imong bisti.

Lucas 6:31

Ug sumala sa inyong buot nga buhaton sa mga tawo nganha kaninyo, buhata kini ngadto kanila.

Lucas 6:38

Panghatag kamo ug kamo hatagan. Ang hustong takos, dinasok, tinantan ug nag-awas, ibutang ra unya diha sa inyong sabakan. Kay ang gidaghanon nga inyong ihatag mao usab unya ang gidaghanon nga inyong madawat.”

Mga Buhat 20:35

Ang tanang mga butang gipakita nako kaninyo nga ang mga maluyahon kinahanglang inyong tabangan pinaagi sa samang paghago nga maghinumdom sa pulong sa Ginoong Jesus nga iyang gisulti, ‘Labaw pang bulahan ang paghatag kay sa pagdawat.’ ”

2 Mga Taga-Corinto 8:9

Kay kamo nasayod sa grasya sa atong Ginoong Jesu-Cristo, nga bisan tuod siya dato, siya nahimong kabos tungod ug alang kaninyo aron nga pinaagi sa iyang kakabos kamo mahimong dato.

Mga Taga-Efeso 4:28

Ang kawatan kinahanglang dili na mangawat, kondili maghago hinuon, magbuhat sa mga maayong butang pinaagi sa iyang mga kamot aron may ikahatag siya ngadto sa mga nagkinahanglan.