Lucas 6:25

Ang Biblia 2011

“Alaot kamong mga busog karon, kay gutomon ra unya kamo. “Alaot kamong nagkatawa karon kay magminatay ug maghilak ra unya kamo.

Cross References

Salmo 49:19

siya moadto sa kaliwatan sa iyang katigulangan, sila nga dili na gayod makakita sa kahayag.

Mga Panultihon 14:13

Bisan diha sa pagkatawa ang kasingkasing masulub-on ug ang sangpotanan sa kalipay mao ang kaguol.

Mga Panultihon 30:9

kay tingali unya ug ako mabusog, ug maglimod kanimo, ug mag-ingon, “Kinsa ba ang Ginoo?” o tingali unya ug mahimo akong kabos ug mangawat, ug magpasipala sa ngalan sa akong Dios.

Ecclesiastes 2:2

Ako miingon mahitungod sa katawa, “Kini binuang,” ug mahitungod sa kalipay, “Unsay kapuslanan niini?”

Ecclesiastes 7:3

Ang kasubo maayo pa kay sa katawa, kay tungod sa kasubo sa panagway ang kasingkasing nahimong malipayon.

Ecclesiastes 7:6

Kay sama sa piti-piti sa mga tunok ilalom sa usa ka kolon, mao usab ang pagkatawa sa buangbuang; kini kakawangan usab.

Isaias 28:7

Kini usab sila nagsamparay tungod sa bino ug nagsusapinday tungod sa isog nga ilimnon; ang pari ug ang propeta nagsamparay tungod sa isog nga ilimnon, sila nangalibog tungod sa bino, sila nagsusapinday tungod sa isog nga ilimnon; sila nangasayop diha sa panan-aw, sila nangapandol diha sa paghukom.

Isaias 65:13

Busa mao kini ang giingon sa Ginoong Dios: “Tan-awa, ang akong mga sulugoon mangaon apan kamo gutomon; ang akong mga sulugoon manginom apan kamo uhawon; ang akong mga sulugoon maglipay, apan kamo pakaulawan;

Isaias 8:21

Sila molatas sa yuta nga hilabihan ka masulub-on ug gutom, ug kon sila gutom, sila mangasuko ug manunglo sa ilang hari ug sa ilang Dios, ug ihangad nila ang ilang mga nawong sa itaas.

Isaias 9:20

Mosakmit sila diha sa ilang tuo apan gutom lang gihapon sila, ug sila mokaon diha sa wala, apan dili matagbaw, ang matag usa magkaon sa unod sa iyang silingan,

Amos 8:10

Ang inyong mga kasaulogan akong himoon nga pagsubo, ug ang tanan ninyong mga awit pagbangutan; dad-an nako ug bisti nga sako ang tanan ninyong mga hawak ug kaupaw sa matag ulo; himoon nako kini nga sama sa pagsubo sa kamatayon alang sa bugtong nga anak, ug ang kataposan niini sama sa usa ka pait nga adlaw.

Nahum 1:10

Sama sa tunok sila nangagapos, sama sa mga palahubog sila nangahubog; sila nangapuo sama sa mga dagami.

Lucas 12:20

Apan ang Dios miingon kaniya, ‘Buang! Karong gabhiona ang imong kalag kuhaon gikan kanimo ug ang mga butang nga imong giandam, kang kinsa na man unya kini?’

Lucas 13:28

Ug didto manghilak kamo ug magkagot ang inyong mga ngipon sa dihang makita ninyo si Abraham ug si Isaac ug si Jacob ug ang tanang mga propeta diha sa sulod sa gingharian sa Dios, ug kamo mismo abogon ngadto sa gawas.

Lucas 6:24

“Apan alaot kamong mga dato, kay nakadawat na man kamo sa inyong kalipay.

Lucas 6:26

“Alaot kamo sa diha nga ang tanang mga tawo magsulti ug maayo mahitungod kaninyo kay ingon usab niini ang gibuhat sa ilang katigulangan ngadto sa mga mini nga propeta.

Lucas 8:53

Ug gikataw-an nila siya kay nahibalo man sila nga ang bata patay na.

Mga Taga-Efeso 5:4

bisan ang binastos o sulting binuang o sulting law-ay, mga butang nga dili angay; apan mga pasalamat hinuon.

1 Mga Taga-Tesalonica 5:3

Sa diha nga ang mga tawo mag-ingon, “Kalinaw ug kasigurohan,” unya sa kalit moabot kanila ang pagkalaglag sama sa kasakit sa babaye nga nagbati, ug sila dili makaikyas.

Santiago 4:9

Pagkaguol ug pagbangutan ug panghilak kamo! Ang inyong katawa himoa nga pagbangutan ug ang inyong kalipay himoa nga kasubo.

Gipadayag 3:17

Kay ikaw nag-ingon, “Ako dato, ako mauswagon ug walay nakulang kanako;” ug wala ka mahibalo nga ikaw alaot, makaluluoy, kabos, buta ug hubo.

1 Samuel 2:5

Kadtong mga busog nagpasuhol sa ilang kaugalingon aron makakaon, apan kadtong gigutom, wala na gutoma. Siya nga dili manganak nanganak ug pito apan siya nga daghan ug mga anak nawad-an ug paglaom.