Lucas 6:20

Ang Biblia 2011

Unya giyahat niya ang iyang mga mata ngadto sa iyang mga tinun-an ug miingon: “Bulahan kamong mga kabos, kay inyo ang gingharian sa Dios.

Cross References

Salmo 37:16

Maayo pa ang diyotay nga anaa sa matarong kay sa kadagaya sa daghan nga makasasala.

Mga Panultihon 16:19

Maayo pa ang pagkamapaubsanon sa espiritu uban sa mga kabos kay sa pagbahin sa inilog uban sa mga mapahitas-on.

Mga Panultihon 19:1

Maayo pa ang kabos nga naglakaw diha sa iyang kaligdong, kay sa tawo nga sukwahi ang sinultihan ug usa ka buangbuang.

Isaias 29:19

Ang mga maaghop makabaton ug bag-o nga kalipay diha sa Ginoo, ug ang mga kabos sa mga tawo magmaya sa Balaan sa Israel.

Isaias 66:2

Kining tanang mga butanga gibuhat sa akong kamot, busa kining tanang mga butanga akoa, nag-ingon ang Ginoo. Apan kini mao ang tawo nga akong tan-awon, siya nga mapaubsanon ug mahinulsolon sa espiritu, ug nagkurog tungod sa akong pulong.

Sofonias 3:12

Ipabilin nako sa imong taliwala ang katawhan nga mapaubsanon ug ubos. Sila modangop sa ngalan sa Ginoo,

Zacarias 11:11

Ug kini napapas niadtong adlawa, ug ang mga tigbaligya ug karnero nga nagbantay uban kanako, nahibalo nga kadto pulong sa Ginoo.

Mateo 11:5

ang mga buta makakita na ug ang mga bakol makalakaw na ug ang mga sanlahon nahinloan ug ang mga bungol makabati na ug ang mga patay gipamanhaw ug ang mga kabos giwalihan sa Maayong Balita.

Mateo 25:34

Unya ang Hari moingon kanila nga diha sa iyang tuo, ‘Duol ngari, kamong mga dinayeg sa akong Amahan, dawata ninyo ang gingharian nga gitagana alang kaninyo sukad pa sa pagkatukod sa kalibotan.

Mateo 5:1

Sa pagkakita niya sa mga panon sa katawhan, mitungas siya sa bungtod, ug sa nakalingkod na siya, ang iyang mga tinun-an miduol kaniya.

Lucas 12:32

“Ayaw kahadlok, gamayng panon, kay gikahimuot sa inyong Amahan ang paghatag kaninyo sa gingharian.

Lucas 13:28

Ug didto manghilak kamo ug magkagot ang inyong mga ngipon sa dihang makita ninyo si Abraham ug si Isaac ug si Jacob ug ang tanang mga propeta diha sa sulod sa gingharian sa Dios, ug kamo mismo abogon ngadto sa gawas.

Lucas 14:15

Sa pagkadungog niini sa usa sa mga mitambong sa kan-anan, siya miingon kang Jesus, “Bulahan siya nga magkaon didto sa gingharian sa Dios!”

Lucas 16:25

Apan si Abraham mitubag kaniya, ‘Anak, hinumdomi nga sa buhi pa ikaw nakadawat ka sa mga maayo nimong butang ug si Lazaro usab nakadawat sa dili maayong mga butang, apan siya gilipay karon diri, samtang ikaw anaa diha sa kasakit.

Lucas 4:18

“Ang Espiritu sa Ginoo ania kanako, iya akong gidihogan aron sa pagwali sa Maayong Balita ngadto sa mga kabos. Gipadala niya ako aron sa pagpahibalo sa kagawasan alang sa mga binilanggo ug sa pagpahiuli sa panan-aw sa mga buta, sa paghatag ug kagawasan ngadto sa mga dinaogdaog,

Mga Buhat 14:22

nga naglig-on sa mga kalag sa mga tinun-an, nagdasig kanila sa pagpadayon diha sa pagtuo, ug nagsulti nga kinahanglang mosulod kita ngadto sa gingharian sa Dios latas sa daghang mga kasakit.

2 Mga Taga-Corinto 6:10

ingon nga mga masulub-on apan sa kanunay malipayon, ingon nga mga kabos apan nagpadato sa daghang tawo, ingon nga mga walay nahot apan nakabaton sa tanang mga butang.

2 Mga Taga-Corinto 8:2

Kay bisan pa sa daghang pagsulay kanila sa kasakit, ang ilang naghingapin nga kalipay ug ang ilang tuman nga kakabos miawas hinoon ngadto sa hilabihan nga pagkamanggihatagon.

2 Mga Taga-Corinto 8:9

Kay kamo nasayod sa grasya sa atong Ginoong Jesu-Cristo, nga bisan tuod siya dato, siya nahimong kabos tungod ug alang kaninyo aron nga pinaagi sa iyang kakabos kamo mahimong dato.

1 Mga Taga-Tesalonica 1:6

Ug kamo misundog kanamo ug sa Ginoo, kay kamo midawat man sa pulong taliwala sa daghang kasakit, dinuyogan sa kalipay gikan sa Espiritu Santo.

2 Mga Taga-Tesalonica 1:5

Kini maoy pagmatuod sa matarong nga hukom sa Dios, aron kamo isipon nga takos sa gingharian sa Dios, nga alang niini kamo nag-antos,

Santiago 1:12

Bulahan ang tawo nga milahutay sa mga pagsulay kay human siya makaantos sa pagsulay, iyang madawat ang purongpurong sa kinabuhi nga gisaad sa Dios ngadto sa mga nahigugma kaniya.

Santiago 2:5

Paminaw, hinigugma nakong mga igsoon. Dili ba gipili man sa Dios ang mga kabos dinhi sa kalibotan aron mahimong dato sa pagtuo ug mga manununod sa gingharian nga iyang gisaad sa mga nahigugma kaniya?

Gipadayag 2:9

“ ‘Nasayod ako sa imong kasakit ug sa imong kakabos, apan dato ikaw, ug sa pagpasipala kanimo sa mga nag-ingon nga sila mga Judio apan dili diay, hinuon sinagoga sila ni Satanas.

1 Samuel 2:8

Siya magbangon sa kabos gikan sa abog; siya magtuboy sa timawa gikan sa tapok sa abo, aron palingkoron sila uban sa mga pangulo, ug manunod sa trono sa himaya. Kay ang mga haligi sa yuta iya sa Ginoo, ug diha niini iyang gipahimutang ang kalibotan.