Lucas 6:13

Ang Biblia 2011

Ug sa pagkaadlawan na, gitawag niya ang iyang mga tinun-an ug nagpili gikan kanila ug napulo ug duha nga iyang ginganlan ug mga apostoles:

Cross References

Mateo 10:2

Ang mga ngalan sa napulo ug duha ka apostoles mao kini: una, si Simon nga ginganlan ug Pedro ug si Andres nga iyang igsoon, si Santiago ug ang iyang igsoon nga si Juan nga mga anak ni Zebedeo,

Mateo 19:28

Si Jesus miingon kanila, “Sa pagkatinuod, sultihan ko kamo nga sa bag-ong kalibotan, sa diha nga ang Anak sa Tawo molingkod na sa iyang mahimayaong trono, kamo nga nagsunod kanako molingkod usab sa napulo ug duha ka trono ug inyong hukman ang napulo ug duha ka banay sa Israel.

Mateo 9:36

Sa nakita niya ang panon sa katawhan, naluoy siya kanila kay sila nangalibog ug makaluluoy sama sa mga karnero nga walay tigbantay.

Marcos 6:30

Unya ang mga apostoles mibalik ngadto kang Jesus ug gisugilon kaniya ang tanan nga ilang nahimo ug gipanudlo.

Marcos 6:7

Ang napulo ug duha iyang gitawag ngadto kaniya ug gisugdan niya ang pagpadala kanila nga tinagurha, ug gihatagan niya sila ug kagahom batok sa mga hugaw nga espiritu.

Lucas 11:49

Ug tungod niini ang Kaalam sa Dios nag-ingon, ‘Padad-an ko sila ug mga propeta ug mga apostoles ug ang uban kanila ilang patyon ug lutoson’

Lucas 22:30

aron mangaon ug manginom kamo diha sa akong lamisa sa akong gingharian, ug maglingkod sa mga trono nga maghukom sa napulo ug duha ka banay sa Israel.

Lucas 6:14

si Simon nga iyang ginganlan ug Pedro, ug si Andres nga igsoon ni Simon, si Santiago, si Juan, si Felipe, si Bartolome,

Juan 4:33

Busa ang mga tinun-an nangutana sa usa ug usa, “May nakahatod ba kaniya ug pagkaon?”

Mga Buhat 1:13

Ug sa nakasulod na sila, misaka sila sa lawak sa taas diin didto sila magpuyo, sila si Pedro, si Juan, si Santiago ug si Andres, si Felipe, si Tomas, si Bartolome, si Mateo, si Santiago nga anak ni Alfeo, si Simon nga Zelote ug si Judas nga anak ni Santiago.

Mga Taga-Efeso 2:20

Kamo mga tinukod ibabaw sa patukoranan nga mao ang mga apostoles ug mga propeta, nga niini si Jesu-Cristo mao ang bato nga patukoranan.

Mga Taga-Efeso 4:11

Ug ang iyang mga gasa mao nga ang uban mahimong mga apostoles, ang uban mga propeta, ang uban mga ebanghilista, ang uban mga pastor ug mga magtutudlo,

Mga Hebreo 3:1

Busa, mga igsoong balaan, nga mga mag-aambit sa langitnon nga pagtawag, hunahuna ninyo si Jesus, ang apostol ug labawng pangulong pari sa atong pagtuo.

2 Pedro 3:2

nga kinahanglang inyong hinumdoman ang mga pulong sa balaang mga propeta ug ang kasugoan nga gihatag sa Ginoo ug Manluluwas pinaagi sa inyong mga apostoles.

Gipadayag 12:1

Ug sa kalangitan dihay nagpakita nga usa ka dakong tilimad-on, usa ka babaye nga nagsul-ob ug adlaw. Ang bulan diha ubos sa iyang mga tiil, ug sa iyang ulo dihay usa ka korona nga mga bituon nga napulo ug duha ka buok.

Gipadayag 18:20

Paglipay kamo tungod kaniya, O kalangitan, O mga balaan ug mga apostoles ug mga propeta, kay alang kaninyo gipakanaog na sa Dios ang hukom batok kaniya!”

Gipadayag 21:14

Ug ang paril sa siyudad may napulo ug duha ka patukoranan, ug diha kanila ang mga ngalan sa napulo ug duha ka apostoles sa Nating Karnero.