Lucas 6:12

Ang Biblia 2011

Unya niadtong mga adlawa, si Jesus miadto sa bungtod aron sa pag-ampo, ug sa tibuok gabii siya nagpadayon sa pag-ampo ngadto sa Dios.

Cross References

Salmo 22:2

O akong Dios, nagtuaw ako panahon sa adlaw, apan wala ikaw mamati kanako; ug panahon sa kagabhion, apan wala ako makapahulay.

Isaias 26:9

Ang akong kalag nangandoy kanimo diha sa kagabhion, ang akong espiritu sa sulod nako matinud-anon nga nangita kanimo. Kay sa diha nga ang imong mga paghukom anaa na sa yuta, ang mga nagpuyo sa kalibotan makakat-on sa pagkamatarong.

Daniel 6:10

Sa pagkahibalo ni Daniel nga ang kasulatan gipirmahan, miadto siya sa iyang balay diin adunay mga bintana sa lawak sa itaas nga abli paingon sa Jerusalem ug siya miluhod sa makatulo sa usa ka adlaw ug nag-ampo ug nagpasalamat sa atubangan sa iyang Dios, sama sa iyang gihimo kaniadto.

Mateo 5:1

Sa pagkakita niya sa mga panon sa katawhan, mitungas siya sa bungtod, ug sa nakalingkod na siya, ang iyang mga tinun-an miduol kaniya.

Mateo 6:6

Apan ikaw, sa dihang mag-ampo ka, sulod sa imong lawak ug takpi ang pultahan ug pag-ampo sa imong Amahan nga anaa sa tago ug ang imong Amahan nga nagtan-aw kanimo sa tago magganti kanimo.

Marcos 1:35

Unya sayo sa kaadlawon samtang ngitngit pa, si Jesus mibangon ug miadto sa usa ka dapit nga mingaw, ug didto nag-ampo siya.

Marcos 3:13

Unya mitungas si Jesus sa bungtod ug iyang gitawag ngadto kaniya ang iyang mga nahimut-an ug sila miduol kaniya.

Marcos 6:46

Ug sa nakapanamilit na siya kanila, miadto siya sa bungtod aron mag-ampo.

Lucas 5:16

Apan siya mipalayo ngadto sa kamingawan ug nag-ampo.

Lucas 6:11

Apan sila napuno sa kapungot ug nagsabot sa usa ug usa kon unsay ilang buhaton kang Jesus.

Lucas 6:17

Unya milugsong siya uban kanila ug mitindog sa usa ka dapit nga patag, kinuyogan sa usa ka dakong panon sa iyang mga tinun-an ug sa daghan kaayong mga tawo nga gikan sa tibuok Judea ug sa Jerusalem ug sa kabaybayonan sa Tiro ug Sidon. Miduol sila aron sa pagpamati kaniya ug sa pagpaayo sa ilang mga sakit,

Lucas 9:18

Sa diha nga nag-ampo siya nga nag-inusara, ang iyang mga tinun-an didto uban kaniya. Siya nangutana kanila, “Sumala sa sulti sa mga tawo, kinsa man ako?”

Lucas 9:28

Mga walo ka adlaw human niining mga pulonga, gidala ni Jesus uban kaniya sila si Pedro, si Juan ug si Santiago, ug mitungas sa bukid aron mag-ampo.

Lucas 9:29

Ug sa iyang pag-ampo, nausab ang panagway sa iyang nawong ug ang iyang mga bisti misidlak sa kaputi.

Juan 6:3

Unya si Jesus mitungas sa bungtod ug didto milingkod siya uban sa iyang mga tinun-an.

Mga Taga-Colosas 4:2

Padayon diha sa pag-ampo, magtukaw samtang maghimo niini uban sa pagpasalamat.

Mga Hebreo 5:7

Sa mga adlaw sa tawhanon niyang kinabuhi, nag-ampo ug nangamuyo siya uban sa kusog nga mga singgit ug hilak ngadto sa makahimo sa pagluwas kaniya gikan sa kamatayon ug siya gidungog tungod sa iyang diosnong kahadlok.

1 Samuel 15:11

“Nasubo ako nga akong gihimo si Saul nga hari kay siya mitalikod gikan sa pagsunod kanako ug wala magbuhat sa akong mga sugo.” Ug si Samuel nasuko ug siya nagtuaw ngadto sa Ginoo sa tibuok nga gabii.