Lucas 6:1

Ang Biblia 2011

Usa niana ka adlaw nga igpapahulay, samtang naglakaw siya agi sa kaumahan sa trigo, ang iyang mga tinun-an nangutlo ug mga uhay ug nangaon sa mga lugas nga gikusokuso sa ilang mga kamot.

Cross References

Exodo 12:15

Pito ka adlaw kamong magkaon ug pan nga walay patubo. Sa unang adlaw, ipalayo ang tanang patubo sa pan gikan sa inyong mga balay kay si bisan kinsa nga mokaon ug bisan unsa nga may patubo sukad sa unang adlaw hangtod sa ikapito, ang maong tawo ipahimulag gikan sa Israel.

Levitico 23:15

“Pag-ihap kamo sugod sa adlaw human sa adlaw nga igpapahulay, sugod sa adlaw nga magdala kamo sa binangan sa halad nga binayaw, hangtod sa ikapito nga adlaw nga igpapahulay.

Levitico 23:7

Sa unang adlaw paghimo kamo ug usa ka balaan nga panagtigom, dili kamo magbuhat ug bug-at nga buluhaton.

Lucas 5:39

Walay tawo nga human siya makainom ug daang bino mangandoy pa ug bag-o, kay siya moingon man, ‘Maayo ang daan.’”

Lucas 6:6

Ug sa lain na usab nga adlaw nga igpapahulay, sa dihang misulod siya sa sinagoga ug nagtudlo, dihay usa ka tawo nga ang tuong kamot dili makalihok.

Deuteronomio 16:9

“Pag-ihap ug pito ka semana. Pagsugod ug ihap sa pito ka semana sukad sa panahon nga kamo nagsugod paggalab sa mga anihonon.

Deuteronomio 23:25

Sa diha nga mosulod ikaw sa trigohan sa imong isigkatawo, makakutlo ikaw ug mga uhay pinaagi sa imong kamot apan ayaw paggamit ug galab sa anihonon sa imong isigkatawo.