Lucas 5:5

Ang Biblia 2011

Unya si Simon mitubag kaniya, “Ginoo, tibuok gabii kaming naghago ug wala gayod kami makakuha! Apan tungod sa imong sulti akong itaktak ang mga pukot.”

Cross References

Ezequiel 47:10

Ang mga mangingisda magtindog sa daplin niini, gikan sa En-gedi hangtod sa En-eglaim mahimong dapit nga ladlaran sa mga pukot. Ang mga isda niini mahimong daghan kaayong matang sama sa mga isda sa Dakong Dagat.

Lucas 17:13

ug misinggit nga nag-ingon, “Jesus, Agalon, kaluy-i intawon kami.”

Lucas 8:24

Ug siya giduol ug gipukaw nila nga nag-ingon, “Agalon, Agalon, hapit na kita mangamatay!” Ug siya mimata ug iyang gibadlong ang hangin ug ang bangis nga mga balod, ug kini mihunong ug miabot ang kalinaw.

Lucas 8:45

Ug si Jesus miingon, “Kinsa man kadtong mihikap kanako?” Sa dihang namalibad ang tanan, si Pedro miingon, “Agalon, ang mga tawo naglibot ug nagdutdot kanimo!”

Lucas 9:33

Sa dihang sila mibiya kaniya, si Pedro miingon kang Jesus, “Agalon, maayo gayod nga ania kami dinhi. Magbuhat kami ug tulo ka payagpayag, usa alang kanimo, usa alang kang Moises, ug usa alang kang Elias.” Siya nagsulti niini nga wala makasabot sa iyang gisulti.

Lucas 9:49

Si Juan mitubag, “Agalon, nakakita kami ug tawo nga nagpagula ug mga demonyo pinaagi sa imong ngalan, ug amo siyang gidid-an kay wala man siya magsunod uban kanamo.”

Juan 15:14

Kamo akong mga higala kon magtuman kamo sa akong sugo kaninyo.

Juan 2:5

Ug ang iyang inahan miingon sa mga sulugoon, “Unsa ang iyang isulti kaninyo, buhata ninyo.”

Juan 21:3

Unya si Simon Pedro miingon kanila, “Molakaw ako aron managat.” Sila miingon kaniya, “Manguban kami kanimo.” Ug nangadto sila ug nanakay sa sakayan. Apan niadtong gabhiona wala gayod silay nakuha.