Lucas 5:38

Ang Biblia 2011

Apan ang bag-ong bino kinahanglang isulod gayod sa mga bag-ong sudlanan nga panit.

Cross References

Ezequiel 36:26

Hatagan ko kamo ug usa ka bag-o nga kasingkasing, ug ibutang nako sa sulod ninyo ang usa ka bag-ong espiritu. Kuhaon nako ang kasingkasing nga bato gikan sa inyong unod, ug hatagan kamo nako ug usa ka kasingkasing nga unod.

Mateo 9:17

Ang bag-ong bino dili usab isulod sa mga daang sudlanan nga panit kay kon mao kini, ang mga sudlanan mabuslot, ang bino mobuhagay, ug ang mga sudlanan madaot apan ang bag-ong bino anha isulod sa mga bag-ong sudlanan nga panit ug ang duha dili madaot.”

Lucas 5:37

Ug walay tawo nga magsulod ug bag-ong bino diha sa mga daang sudlanan nga panit. Kon iya kining buhaton, ang bag-ong bino mobuslot sa mga sudlanan nga panit ug mausik ang bino, ug ang mga sudlanan madaot.

Lucas 5:39

Walay tawo nga human siya makainom ug daang bino mangandoy pa ug bag-o, kay siya moingon man, ‘Maayo ang daan.’”

2 Mga Taga-Corinto 5:17

Busa kon ang tawo anaa kang Cristo, siya bag-o na nga binuhat; ang daan nangagi na, tan-awa, ang bag-o nahiabot na.

Mga Taga-Galacia 2:4

Apan tungod sa mga igsoong mini nga gipasulod sa hilom ug mitipon aron sa pagpaniid sa atong kagawasan nga naato diha kang Cristo Jesus, aron madala kita nila ngadto sa kaulipnan,

1 Timoteo 4:8

kay ang lawasnon nga pagbansay may kapuslanan usab, apan ang pagkadiosnon mapuslanon gayod sa tanang paagi, ingon nga kini adunay saad sa kinabuhi karon ug sa umaabot.

Gipadayag 21:5

Ug ang naglingkod sa trono miingon, “Tan-awa, akong gibag-o ang tanang mga butang.” Siya miingon, “Isulat kini, kay kining mga pulonga kasaligan ug matuod.”