Lucas 5:36

Ang Biblia 2011

Gisuginlan usab niya sila ug usa ka sambingay, “Walay tawo nga mogisi ug usa ka bahin gikan sa bag-ong bisti ug itapak kini sa daan nga bisti. Kon iya kanang buhaton, iyang magisi ang bag-o ug ang ginisi gikan sa bag-o dili mobagay sa daan.

Cross References

Levitico 19:19

“Tumana ninyo ang akong mga lagda. Ayaw paliwati ang imong mga hayop ug lainlain nga matang. Ayaw pugsi ug duha ka matang sa binhi ang imong uma. Ayaw usab pagsul-ob ug bisti nga ang panapton binuhat ug duha ka matang.

Lucas 5:35

Moabot ra unya ang mga adlaw, ug sa diha nga ang nabana kuhaon na gikan kanila, magpuasa na sila nianang mga adlawa.”

Lucas 5:37

Ug walay tawo nga magsulod ug bag-ong bino diha sa mga daang sudlanan nga panit. Kon iya kining buhaton, ang bag-ong bino mobuslot sa mga sudlanan nga panit ug mausik ang bino, ug ang mga sudlanan madaot.

2 Mga Taga-Corinto 6:16

Unsa may gikauyonan sa templo sa Dios ug sa mga diosdios? Kay kita mao ang templo sa Dios nga buhi, sumala sa giingon sa Dios, “Ako mopuyo sa sulod nila ug makig-uban kanila, ug ako mahimong ilang Dios, ug sila mahimong akong katawhan.

Deuteronomio 22:11

Ayaw pagsul-ob ug nagkasagol nga panapton, sa balhibo ug sa lino.