Lucas 5:25

Ang Biblia 2011

Dihadiha siya mibangon sa ilang atubangan ug mikuha sa iyang gihigdaan ug mipauli nga nagdayeg sa Dios.

Cross References

Genesis 1:3

Ug ang Dios miingon, “Motungha ang kahayag,” ug diha ang kahayag.

Salmo 33:9

Kay siya misulti, ug kini nahitabo; siya misugo, ug kini mibarog.

Salmo 50:23

Ang naghatag ug pasalamat ingon nga iyang halad nagpasidungog kanako; kaniya nga nagmatngon sa iyang dalan ipakita nako ang kaluwasan sa Dios.”

Mateo 9:8

Sa pagkakita niini sa mga panon sa katawhan, sila nangahadlok ug nagdayeg sa Dios nga naghatag sa maong kagahom ngadto sa mga tawo.

Marcos 2:12

Ug siya mibangon, ug dihadiha gisakwat niya ang iyang higdaanan ug mipahawa siya sa atubangan nilang tanan paingon sa gawas, nga tungod niini silang tanan nahibulong ug nagdayeg sa Dios, ug nag-ingon, “Wala pa kitay nakita nga sama niini!”

Lucas 13:13

Ug gitapion ni Jesus ang iyang mga kamot diha kaniya, ug dihadiha siya natul-id, ug midayeg siya sa Dios.

Lucas 18:43

Dihadiha nakakita siya, ug misunod kang Jesus nga nagdayeg sa Dios. Ug ang tanang tawo, sa ilang pagkakita niini, nagdayeg sa Dios.

Lucas 5:13

Ug gituy-od ni Jesus ang iyang kamot ug gihikap siya nga nag-ingon, “Buot ako; mahinlo ka.” Dihadiha ang sanla mibiya kaniya.

Juan 9:24

Ug sa ikaduhang higayon gitawag nila ang tawo nga kaniadto buta ug miingon sila kaniya, “Ang Dios maoy dayega. Kami nahibalo nga kadtong tawhana usa ka makasasala.”