Lucas 5:22

Ang Biblia 2011

Si Jesus nga nakasabot sa ilang mga pagpangutan-anay, mitubag kanila, “Nganong nangutana man kamo diha sa inyong mga kasingkasing?

Cross References

1 Cronicas 28:9

“Ug ikaw, Solomon nga akong anak, ilha ang Dios sa imong amahan ug alagari siya uban ang tibuok nimong kasingkasing ug uban sa usa ka masinugtanon nga kasingkasing, kay ang Ginoo nagsusi sa tanang mga kasingkasing, ug nakasabot sa tanang mga laraw ug mga hunahuna. Kon imo siyang pangitaon, imo siyang makit-an, apan kon imo siyang biyaan, isalikway ikaw niya hangtod sa kahangtoran.

Salmo 139:2

Ikaw nahibalo sa akong paglingkod ug sa akong pagtindog; ikaw nakasabot sa akong mga hunahuna gikan sa layo.

Mga Panultihon 15:26

Ang mga hunahuna sa daotan dulumtanan sa Ginoo, apan ang mga pulong sa putli makalipay kaniya.

Isaias 66:18

“Kay ako nasayod sa ilang mga buhat ug sa ilang mga hunahuna ug ako moabot aron sa pagtigom sa tanang mga nasod ug mga pinulongan; ug sila manganhi ug makakita sa akong himaya,

Ezequiel 38:10

“Mao kini ang gisulti sa Ginoong Dios: Nianang adlawa, mga hunahuna mosantop sa imong kaisipan, ug ikaw maglaraw ug usa ka daotang buhat.

Mateo 12:15

Si Jesus nga nasayod niini, mipalayo gikan didto. Ug daghan ang mikuyog kaniya ug iyang giayo silang tanan

Mateo 12:25

Apan si Jesus nga nasayod sa ilang mga hunahuna miingon kanila, “Ang matag gingharian nga mabahin batok sa iyang kaugalingon mapukan, ug ang matag siyudad o balay nga mabahin batok sa iyang kaugalingon dili motunhay.

Mateo 9:4

Apan si Jesus nga nasayod sa ilang mga hunahuna, miingon kanila, “Nganong naghunahuna man kamo ug daotan diha sa inyong mga kasingkasing?

Marcos 8:17

Ug sa pagkamatikod niya niini, si Jesus miingon kanila, “Nganong hisgotan man ninyo ang inyong pagkawalay pan? Dili ba kamo makakita o makasabot? Migahi ba ang inyong mga kasingkasing?

Lucas 24:38

Ug siya miingon kanila, “Nganong nasamok man kamo, ug nganong may mga pagpangutana man sa inyong mga kasingkasing?

Lucas 5:21

Ug ang mga eskriba ug mga Pariseo misugod sa pagpangutana nga nag-ingon, “Kinsa ba kini siya nga nagsulti ug mga pasipala? Kinsa bay makapasaylo ug mga sala kondili ang Dios lamang?”

Lucas 5:23

Hain ang labing sayon, ang pag-ingon ba, ‘Ang imong mga sala gipasaylo na,’ o ang pag-ingon, ‘Bangon ug lakaw’?

Mga Buhat 5:3

Apan si Pedro miingon, “Ananias, ngano bang gisudlan man ni Satanas ang imong kasingkasing aron ikaw mamakak sa Espiritu Santo ug ikaw manguha sa halin sa yuta?

Mga Hebreo 4:12

Kay ang pulong sa Dios buhi ug naglihok, hait pa kay sa espada nga duhay sulab, modulot lahos ngadto sa nag-ulang sa kalag ug espiritu, sa mga lutahan ug sa mga kauyokan ug motugkad sa mga hunahuna ug katuyoan sa kasingkasing.

Gipadayag 2:23

ug ang iyang mga anak akong laglagon pinaagi ug kamatay. Unya ang tanang mga iglesia makaila nga ako mao ang magsusi sa hunahuna ug kasingkasing ug ako magbalos sa matag usa kaninyo sumala sa inyong mga binuhatan.