Lucas 5:21

Ang Biblia 2011

Ug ang mga eskriba ug mga Pariseo misugod sa pagpangutana nga nag-ingon, “Kinsa ba kini siya nga nagsulti ug mga pasipala? Kinsa bay makapasaylo ug mga sala kondili ang Dios lamang?”

Cross References

Salmo 103:3

siya nga nagpasaylo sa tanan nimong kasal-anan, nga nag-ayo sa tanan nimong mga balatian,

Salmo 130:4

Apan adunay pagpasaylo diha kanimo, aron ikaw takos nga kahadlokan.

Salmo 32:5

Giila nako ang akong sala nganha kanimo, ug wala nako tagoi ang akong kasal-anan; miingon ako, “Isugid nako ang akong kalapasan ngadto sa Ginoo,” unya imong gipasaylo ang pagkadaotan sa akong sala. Selah

Salmo 35:5

Himoa sila nga sama sa uhot diha sa hangin, ug ang anghel sa Ginoo mag-abog kanila!

Isaias 1:18

“Dali ngari, maghusay kita, nag-ingon ang Ginoo; bisan ug ang inyong mga sala pula kaayo, himoon kining puti kaayo, bisan pa ug kini lutong pula, kini mahimong sama sa puting balhibo sa karnero.

Isaias 43:25

“Ako, ako mao siya nga nagpala sa imong kalapasan tungod ug alang kanako, ug dili na nako hinumdoman ang imong mga sala.

Isaias 44:22

Gipalayo nako ang imong kalapasan sama sa usa ka baga nga panganod, ug ang imong mga sala sama sa usa ka gabon; balik kanako, kay gilukat ko na ikaw.

Daniel 9:19

O Ginoo, pamati; O Ginoo, pagpasaylo. O Ginoo, pagtagad ug pagbuhat. Ayaw paglangan, tungod ug alang kanimo, O Dios ko, tungod kay ang imong siyudad ug ang imong katawhan gitawag pinaagi sa imong ngalan.”

Daniel 9:9

Sa Ginoo nga among Dios, iya ang mga kaluoy ug ang pagpasaylo tungod kay kami misukol man kaniya,

Levitico 24:16

Ug kadtong magpasipala sa ngalan sa Ginoo patyon gayod, ang tibuok nga katilingban magbato kaniya. Mao usab sa dumuduong, sama sa lumad, kon magpasipala siya sa ngalan sa Ginoo, patyon gayod siya.

Miqueas 7:19

Siya magbaton pag-usab ug kaluoy kanato, siya magyatak sa atong mga kasal-anan. Isalibay nimo ang tanan namong mga sala ngadto sa kahiladman sa dagat.

Mateo 26:65

Ug ang labawng pangulong pari migisi sa iyang mga bisti ug miingon, “Nagsulti siya ug pasipala! Nganong magkinahanglan pa kita ug mga saksi? Nakadungog kamo karon sa iyang pagpasipala.

Mateo 9:3

Unya, dihay mga eskriba nga nag-ingon sa ilang kaugalingon, “Nagpasipala kining tawhana.”

Lucas 3:8

Pamunga hinuon kamo ug mga bunga nga angay sa paghinulsol; ug ayaw kamo pagsugod sa pag-ingon sa inyong kaugalingon, ‘Si Abraham among amahan,’ kay sultihan ko kamo nga ang Dios makahimo sa pagpatungha ug mga anak alang kang Abraham gikan niining mga bato.

Lucas 5:17

Usa ka adlaw niana, samtang nagtudlo siya, dihay naglingkod nga mga Pariseo ug mga magtutudlo sa Balaod nga gikan sa tanang balangay sa Galilea ug Judea ug gikan sa Jerusalem, ug ang gahom sa Ginoo diha kaniya sa pag-ayo.

Lucas 5:22

Si Jesus nga nakasabot sa ilang mga pagpangutan-anay, mitubag kanila, “Nganong nangutana man kamo diha sa inyong mga kasingkasing?

Lucas 7:49

Unya sila nga nagtambong sa kan-anan uban kaniya misugod sa pag-ingon ngadto sa ilang kaugalingon, “Kinsa ba kining tawhana nga nagpasaylo ug mga sala?”

Juan 10:33

Ang mga Judio mitubag kaniya, “Batoon ikaw namo dili tungod sa imong pagbuhat ug maayo kondili tungod sa imong pagpasipala batok sa Dios kay ikaw nga tawo lamang nagpaka-Dios.”

Roma 8:33

Kinsa ba ang mopasaka ug sumbong batok sa mga pinili sa Dios? Ang Dios mao ang nagmatarong.