Lucas 5:13

Ang Biblia 2011

Ug gituy-od ni Jesus ang iyang kamot ug gihikap siya nga nag-ingon, “Buot ako; mahinlo ka.” Dihadiha ang sanla mibiya kaniya.

Cross References

Genesis 1:3

Ug ang Dios miingon, “Motungha ang kahayag,” ug diha ang kahayag.

Genesis 1:9

Unya ang Dios miingon, “Matingob ang katubigan nga anaa sa ubos sa kalangitan ngadto sa usa ka dapit ug motungha ang uga nga yuta.” Ug nahimo kini.

2 Mga Hari 5:10

Ug si Eliseo nagpadala ug usa ka sinugo ngadto kaniya nga nag-ingon, “Lakaw ug hugasi ang imong kaugalingon didto sa Jordan sa makapito ug ang imong lawas maulian ug ikaw mahinlo.”

2 Mga Hari 5:14

Busa siya miadto ug mitunlob sa iyang kaugalingon sa makapito didto sa Jordan, sumala sa pulong sa tawo sa Dios, ug ang iyang lawas naulian sama sa lawas sa gamayng bata ug siya nahinlo.

Salmo 33:9

Kay siya misulti, ug kini nahitabo; siya misugo, ug kini mibarog.

Ezequiel 36:29

Ug ako magluwas kaninyo gikan sa tanan ninyong kahugawan. Tawgon nako ang trigo ug padaghanon kini, ug ako dili magpahamtang kaninyo sa gutom.

Oseas 14:4

Ayohon nako ang ilang pagkamaluibon; higugmaon nako sila sa walay sukod, kay ang akong kasuko mibiya kanila.

Mateo 8:3

Gituyhad ni Jesus ang iyang kamot ug gitapin-an niya kini ug giingnan, “Buot ako, mahinlo ikaw.” Ug dihadiha nahinloan siya sa iyang sanla.

Lucas 4:39

Ug siya mitindog sa tungod niya ug iyang gibadlong ang hilanat, ug kini mibiya kaniya ug dihadiha mibangon siya ug mialagad kanila.

Lucas 5:12

Samtang didto siya sa usa sa mga lungsod, didtoy usa ka tawo nga nalukop sa sanla. Sa iyang pagkakita kang Jesus, mihapa siya ug nagpakiluoy kaniya nga nag-ingon, “Ginoo, kon buot nimo, makahinlo ikaw kanako.”

Lucas 5:14

Unya gimandoan siya ni Jesus, “Ayaw panugilon kang bisan kinsa, apan lakaw ug pakita ngadto sa pari ug himoa ang halad pahinungod sa imong pagkahinlo sumala sa gisugo ni Moises, ingon nga pagpamatuod ngadto sa katawhan.”