Lucas 5:12

Ang Biblia 2011

Samtang didto siya sa usa sa mga lungsod, didtoy usa ka tawo nga nalukop sa sanla. Sa iyang pagkakita kang Jesus, mihapa siya ug nagpakiluoy kaniya nga nag-ingon, “Ginoo, kon buot nimo, makahinlo ikaw kanako.”

Cross References

Genesis 18:14

Aduna bay mga butang nga lisod alang sa Dios? Sa gitakda nga panahon mobalik ako kanimo, sa tingpamulak, ug si Sarah makabaton ug usa ka anak nga lalaki.”

1 Mga Hari 18:39

Sa pagkakita sa tibuok katawhan niini, ug sila mihapa ug miingon, “Ang Ginoo, siya mao ang Dios; ang Ginoo, siya mao ang Dios.”

2 Mga Hari 5:1

Si Naaman nga tigmando sa kasundalohan sa hari sa Siria usa ka bantogang tawo uban sa iyang agalon, ug gitahod pag-ayo tungod kay pinaagi kaniya ang Ginoo mihatag sa pagdaog sa Siria. Usa siya ka isog nga tawo apan usa ka sanlahon.

2 Mga Hari 5:27

Busa ang sanla ni Naaman motakboy kanimo ug sa imong mga kaliwat hangtod sa hangtod.” Ug siya mipahawa sa iyang atubangan nga usa ka sanlahon ug puti kaayo.

2 Mga Hari 7:3

Karon dihay upat ka tawong sanlahon sa tugkaran sa ganghaan ug sila nag-ingon sa usa ug usa, “Nganong manglingkod man kita dinhi hangtod nga kita mangamatay?

1 Cronicas 21:16

Unya giyahat ni David ang iyang mga mata ug nakita ang anghel sa Ginoo nga nagtindog taliwala sa yuta ug sa langit, ug sa iyang kamot dihay espada nga gibakyaw paingon sa Jerusalem. Unya si David ug ang mga kadagkoan nga nagsul-ob ug sako mihapa.

Salmo 50:15

ug sangpita ako sa adlaw sa kalisdanan; luwason ko ikaw, ug ikaw maghimaya kanako.”

Salmo 91:15

Sa diha nga magtawag siya kanako, ako motubag kaniya; ubanan nako siya diha sa kalisdanan, luwason nako siya ug akong pasidunggan.

Exodo 4:6

Ang Ginoo miingon pag-usab kaniya, “Ibutang ang imong kamot sa imong dughan ilalom sa imong kupo.” Ug gibutang niya ang iyang kamot sa ilalom sa iyang kupo, ug sa iyang pagkuha niini, ang iyang kamot gisanla ug puti kaayo.

Levitico 13:16

Apan kon ang unod mobalik sa pagkaputi, moadto siya sa pari.

Levitico 9:24

Unya may kalayo nga migula gikan sa atubangan sa Ginoo, ug misunog sa halad nga sunogon ug sa mga tambok nga diha sa ibabaw sa halaran. Ug sa pagkakita sa tibuok nga katawhan niini naninggit sila ug nanghapa.

Mateo 26:6

Samtang didto si Jesus sa Betania sa balay ni Simon nga sanlahon,

Mateo 9:28

Sa pagsulod niya sa balay, ang mga buta miduol kaniya ug si Jesus miingon kanila, “Nagtuo ba kamo nga makahimo ako pagbuhat niini?” Ug sila miingon kaniya, “Oo, Ginoo.”

Marcos 5:23

ug nangamuyo kaniya sa hilabihan nga nag-ingon, “Ang akong batang babaye himatyon. Moadto unta ikaw ug itapion nimo ang imong mga kamot kaniya aron siya maayo ug mabuhi.”

Lucas 17:16

Ug siya mihapa sa tiilan ni Jesus ug nagpasalamat kaniya. Ug kadto siya usa ka Samarianhon.

Lucas 5:13

Ug gituy-od ni Jesus ang iyang kamot ug gihikap siya nga nag-ingon, “Buot ako; mahinlo ka.” Dihadiha ang sanla mibiya kaniya.

Deuteronomio 24:8

“Pagbantay sa sakit nga sanla ug pagmatngon sa pagbuhat sumala sa tanan nga itudlo kaninyo sa mga pari nga Levihanon, sumala sa akong gisugo kanila pagmatngon kamo sa pagbuhat niini.

Mga Hebreo 7:25

Busa sa tanang panahon siya makaluwas sa mga moduol sa Dios pinaagi kaniya, kay buhi man siya sa kanunay aron sa pagpangamuyo alang kanila.

Josue 5:14

Ug siya miingon, “Dili, apan ingon nga tigmando sa kasundalohan sa Ginoo, mianhi ako karon.” Ug si Josue mihapa sa yuta ug misimba ug miingon kaniya, “Unsa ba ang isugo sa akong agalon ngadto sa iyang ulipon?”