Lucas 5:11

Ang Biblia 2011

Ug sa nadala na nila ang ilang mga sakayan ngadto sa mamala, ilang gibiyaan ang tanan ug mikuyog kaniya.

Cross References

Mateo 10:37

Ang nahigugma sa iyang amahan o inahan labaw kanako, dili takos kanako, ug ang nahigugma sa iyang anak nga lalaki o anak nga babaye labaw kanako, dili takos kanako,

Mateo 19:27

Unya si Pedro mitubag nga nag-ingon, “Tan-awa, gibiyaan namo ang tanan ug misunod kami kanimo. Unsa man diay ang among mapaabot?”

Mateo 19:29

Ug ang tanan nga nagbiya sa mga balay o mga igsoong lalaki o mga igsoong babaye o amahan o inahan o mga anak o kayutaan tungod sa akong ngalan, makadawat ug usa ka gatos ka pilo, ug makapanunod sa kinabuhing dayon.

Mateo 4:20

Dihadiha gibiyaan nila ang ilang mga pukot ug mikuyog sila kaniya.

Mateo 4:22

Dihadiha gibiyaan nila ang ilang sakayan ug ang ilang amahan ug mikuyog kaniya.

Marcos 10:21

Ug si Jesus nga nagsud-ong kaniya, nahigugma kaniya ug miingon kaniya, “Kulang ikaw ug usa ka butang. Lakaw, ibaligya ang imong katigayonan ug panghatag ngadto sa mga kabos ug makabaton ikaw ug bahandi didto sa langit, ug unya balik dinhi ug sunod kanako.”

Lucas 5:28

Biniyaan ang tanan, mitindog siya ug misunod kaniya.