Lucas 4:41

Ang Biblia 2011

Ug gikan sa daghang mga tawo migula ang mga yawa nga nagsinggit, “Ikaw mao ang Anak sa Dios!” Apan gibadlong niya sila ug wala tugoti sa pagsulti kay sila nakaila man nga siya mao ang Cristo.

Cross References

Mateo 26:63

Apan si Jesus nagpakahilom lamang. Ug ang labawng pangulong pari miingon kaniya, “Nagsugo ako kanimo sa ngalan sa buhing Dios, sa pagtug-an kanamo, kon ikaw mao ba ang Cristo, ang Anak sa Dios.”

Mateo 4:3

Unya miduol ang maninintal ug miingon kaniya, “Kon ikaw Anak sa Dios, sugoa kining mga bato aron mahimong mga pan.”

Mateo 8:16

Ug sa pagkakilomkilom na, ilang gidala ngadto kaniya ang daghang mga gidemonyohan, ug iyang gihinginlan ang mga espiritu pinaagi sa usa ka pulong ug iyang giayo ang tanang mga masakiton.

Mateo 8:29

Ug misinggit sila nga nag-ingon, “Unsay imong tuyo kanamo, Anak sa Dios? Mianhi ba ikaw aron sa pagsakit kanamo sa dili pa ang panahon?”

Mateo 8:4

Unya si Jesus miingon kaniya, “Bantayi nga walay si bisan kinsa nga imong suginlan, ug lakaw ug pagpatan-aw sa pari ug himoa ang halad nga gisugo ni Moises ingon nga pagpamatuod ngadto sa katawhan.”

Marcos 1:25

Apan gibadlong siya ni Jesus nga nag-ingon, “Hilom, ug gula gikan kaniya!”

Marcos 1:32

Unya sa pagkakilomkilom, sa pagsalop na sa adlaw, gidala nila ngadto kaniya ang tanang mga masakiton ug ang mga nasudlan ug demonyo.

Marcos 1:34

Giayo niya ang daghang nangasakit sa nagkalainlaing mga balatian. Gipagula niya ang daghang mga demonyo ug wala niya tugoti ang mga demonyo sa pagsulti kay nakaila man sila kaniya.

Marcos 3:11

Sa dihang nakakita kaniya ang mga hugaw nga espiritu, mihapa sila sa iyang atubangan ug naninggit nga nag-ingon, “Ikaw mao ang Anak sa Dios!”

Lucas 4:39

Ug siya mitindog sa tungod niya ug iyang gibadlong ang hilanat, ug kini mibiya kaniya ug dihadiha mibangon siya ug mialagad kanila.

Juan 20:31

apan kini, gisulat aron kamo motuo nga si Jesus mao ang Cristo, ang Anak sa Dios, ug nga sa pagtuo makabaton kamo ug kinabuhi diha sa iyang ngalan.

Santiago 2:19

Ikaw nagtuo nga ang Dios usa ra; husto ka. Bisan ang mga demonyo nagtuo ug nagkurog.