Lucas 4:39

Ang Biblia 2011

Ug siya mitindog sa tungod niya ug iyang gibadlong ang hilanat, ug kini mibiya kaniya ug dihadiha mibangon siya ug mialagad kanila.

Cross References

Salmo 116:12

Unsa man ang akong igasa sa Ginoo sa tanan niyang kaayo kanako?

Marcos 1:29

Dihadiha sa paggawas nila gikan sa sinagoga, misulod sila sa balay ni Simon ug ni Andres, uban si Santiago ug Juan.

Lucas 4:35

Apan gibadlong siya ni Jesus nga nag-ingon, “Hilom ug gula gikan kaniya!” Sa diha nga ang tawo gilamba sa yawa diha sa ilang taliwala, migula siya gikan sa tawo nga wala makahimo kaniya ug kadaot.

Lucas 4:41

Ug gikan sa daghang mga tawo migula ang mga yawa nga nagsinggit, “Ikaw mao ang Anak sa Dios!” Apan gibadlong niya sila ug wala tugoti sa pagsulti kay sila nakaila man nga siya mao ang Cristo.

Lucas 8:24

Ug siya giduol ug gipukaw nila nga nag-ingon, “Agalon, Agalon, hapit na kita mangamatay!” Ug siya mimata ug iyang gibadlong ang hangin ug ang bangis nga mga balod, ug kini mihunong ug miabot ang kalinaw.