Lucas 4:38

Ang Biblia 2011

Unya mitindog siya ug mibiya sa sinagoga ug misulod sa balay ni Simon. Ang ugangang babaye ni Simon taas kaayo ug hilanat, ug sila mihangyo kang Jesus alang kaniya.

Cross References

Mateo 15:23

Apan wala siya motubag kaniya, bisan ug usa ka pulong. Ug miduol kaniya ang iyang mga tinun-an ug gihangyo siya nila nga nag-ingon, “Papaulia na lang siya, kay kita gisunod niya nga nagsinggit.”

Mateo 4:24

Busa ang iyang kabantog mikaylap sa tibuok Siria. Ug gidala nila ngadto kaniya ang tanang masakiton, ang mga gitakboyan sa nagkalainlaing mga sakit ug mga balatian, mga gidemonyohan, mga patulon ug mga paralitiko, ug iyang giayo sila.

Juan 11:22

Hinuon nahibalo ako nga bisan karon ang tanan nga imong pangayoon sa Dios, kini ihatag kanimo sa Dios.”

Juan 11:3

Busa si Jesus gipasugoan sa magsoong babaye nga nag-ingon, “Ginoo, ang imong suod nga higala nasakit.”

1 Mga Taga-Corinto 9:5

Wala ba god kami katungod sa pagdala ug asawa nga magtutuo sama sa gibuhat sa ubang mga apostoles ug sa mga igsoon sa Ginoo ug ni Cefas?