Lucas 4:35

Ang Biblia 2011

Apan gibadlong siya ni Jesus nga nag-ingon, “Hilom ug gula gikan kaniya!” Sa diha nga ang tawo gilamba sa yawa diha sa ilang taliwala, migula siya gikan sa tawo nga wala makahimo kaniya ug kadaot.

Cross References

Salmo 50:16

Apan ngadto sa daotan ang Dios nag-ingon: “Unsay katungod nimo sa pagpahayag sa akong kalagdaan, o sa pagdawat sa akong kasabotan diha sa imong mga ngabil?

Zacarias 3:2

Ug ang Ginoo miingon kang Satanas, “Ang Ginoo nagbadlong kanimo, O Satanas! Ang Ginoo nga nagpili sa Jerusalem nagbadlong kanimo! Dili ba kini usa ka agipo nga gikuha gikan sa kalayo?”

Mateo 17:18

Ug gibadlong ni Jesus ang demonyo ug migula kini gikan sa bata, ug ang bata naayo niadto gayong taknaa.

Mateo 8:26

Siya miingon kanila, “Nganong nangalisang man kamo, O mga tawong gamay ug pagsalig?” Unya mibangon siya ug iyang gibadlong ang mga hangin ug ang lanaw ug dihay dakong kalinaw.

Marcos 1:26

Ug ang hugaw nga espiritu nga mipalimbaglimbag pag-ayo sa tawo, migula gikan kaniya nga nagsiyagit sa kusog nga tingog.

Marcos 4:39

Ug mibangon siya ug gibadlong ang hangin, ug miingon siya sa lanaw, “Kalinaw! Hunong!” Ug ang hangin milurang ug miabot ang dakong kalinaw.

Marcos 9:26

Human sa kusog nga pagsiyagit ug sa pagpalimbaglimbag pag-ayo sa bata, ang espiritu migula kaniya, ug ang bata daw patay nga tungod niana ang kadaghanan kanila miingon, “Patay na siya.”

Lucas 11:22

Apan sa diha nga ang kusgan pa kay kaniya mosulong ug makabuntog kaniya, kuhaon niini ang iyang mga hinagiban nga iyang gisaligan ug bahinbahinon ang mga inilog niini.

Lucas 4:23

Ug siya miingon kanila, “Sa walay duhaduha inyong isulti kanako kining maong panultihon, ‘Doktor, ayoha ang imong kaugalingon! Buhata usab dinhi sa imong kaugalingong lungsod ang among nadungog nga imong gibuhat didto sa Capernaum.’ ”

Lucas 4:39

Ug siya mitindog sa tungod niya ug iyang gibadlong ang hilanat, ug kini mibiya kaniya ug dihadiha mibangon siya ug mialagad kanila.

Lucas 4:41

Ug gikan sa daghang mga tawo migula ang mga yawa nga nagsinggit, “Ikaw mao ang Anak sa Dios!” Apan gibadlong niya sila ug wala tugoti sa pagsulti kay sila nakaila man nga siya mao ang Cristo.

Lucas 8:24

Ug siya giduol ug gipukaw nila nga nag-ingon, “Agalon, Agalon, hapit na kita mangamatay!” Ug siya mimata ug iyang gibadlong ang hangin ug ang bangis nga mga balod, ug kini mihunong ug miabot ang kalinaw.

Lucas 9:39

Ug usa ka espiritu miataki kaniya, ug sa kalit misiyagit ug gipalimbaglimbag siya hangtod nga nagbula ang iyang baba ug gibun-og siya ug daw dili kini mobiya kaniya.

Lucas 9:42

Samtang ang bata miduol, siya gikusokuso ug gipalimbaglimbag sa demonyo. Apan gibadlong ni Jesus ang hugawng espiritu ug giayo ang bata, ug giuli ngadto sa iyang amahan.

Gipadayag 12:12

Busa paglipay, O kalangitan ug kamo nga mga nagpuyo niini! Apan alaot kamo, O yuta ug dagat, kay diha kaninyo nanaog ang yawa nga puno sa dakong kapungot kay nasayod man siya nga mubo na lamang ang iyang panahon!”