Lucas 4:25

Ang Biblia 2011

Apan sa pagkatinuod sultihan ko kamo, adunay daghang mga biyuda sa Israel sa panahon ni Elias, sa diha nga ang langit gitak-opan sa tulo ka tuig ug unom ka bulan ug sa dihang miabot ang dakong gutom sa tibuok nasod,

Cross References

1 Mga Hari 17:1

Unya si Elias, ang Tisbihanon, sa Tisbe sa Gilead miingon kang Ahab, “Ingon nga buhi ang Ginoo, ang Dios sa Israel, nga sa atubangan ako nagtindog, walay yamog o ulan niining mga tuiga, gawas kon akong ipamulong.”

Isaias 55:8

Kay ang akong mga hunahuna dili mao ang inyong mga hunahuna, o ang inyong mga pamaagi akong mga pamaagi, nag-ingon ang Ginoo.

Mateo 20:15

Wala ba diay akoy katungod sa paggamit sa akong mga kabtangan sumala sa akong kabubut-on? O imo ba diay akong bagutbotan tungod sa akong pagkamahinatagon?’

Lucas 10:21

Niadtong maong higayon si Jesus nalipay diha sa Espiritu Santo ug miingon, “Nagpasalamat ako kanimo, Amahan, Ginoo sa langit ug sa yuta, nga imong gitago kining mga butanga gikan sa mga maalamon ug sa mga hait ug salabotan, ug gipadayag nimo ngadto sa mga masusong bata. Oo, Amahan, kay kana mao ang imong maluluy-ong pagbuot.

Roma 9:15

Kay siya nag-ingon kang Moises, “Kaluy-an nako kadtong aduna akoy kaluoy ug magmapuangoron ako niadtong aduna akoy puangod.”

Roma 9:20

Apan kinsa ka man, O tawo, nga motubag sa Dios? Ang gihulma moingon ba diay sa naghulma, “Nganong giingon man nimo ako pagbuhat niini?”

Mga Taga-Efeso 1:11

Diha kang Cristo, kita gipili nga mahimong panulundon nga gibut-an nang daan sumala sa katuyoan niya nga naghimo diha sa tanang mga butang sumala sa katuyoan sa iyang kabubut-on

Mga Taga-Efeso 1:9

iyang gipahibalo kanato ang tinago mahitungod sa iyang kabubut-on, sumala sa iyang maayong tuyo nga gilaraw niya diha kang Cristo

Santiago 5:17

Si Elias usa ka tawo nga sama kanato ug kinaiya, ug sa iyang pag-ampo, siya nag-ampo nga dili unta mag-ulan, ug wala kini moulan sa yuta sulod sa tulo ka tuig ug unom ka bulan.

Gipadayag 11:6

Sila may kagahom sa pagtak-op sa langit aron walay ulan nga moabot sulod sa mga adlaw sa ilang pagpropesiya, ug sila may kagahom ibabaw sa katubigan aron sa paghimo niini nga dugo, ug sa paghampak sa yuta pinaagi sa tanang katalagman, bisan makapila sumala sa buot nila.