Lucas 4:22

Ang Biblia 2011

Ang tanan nagsulti ug maayo mahitungod kaniya, ug nahibulong sa malumo nga mga pulong nga migula gikan sa iyang baba. Sila miingon, “Dili ba anak man kini ni Jose?”

Cross References

Salmo 45:2

Ikaw ang labing ambongan sa mga anak sa mga tawo; ang grasya gibubo diha sa imong mga ngabil, busa ang Dios nagpanalangin kanimo hangtod sa kahangtoran.

Salmo 45:4

Diha sa imong pagkahalangdon pagkabayo nga madaogon tungod sa kamatuoran ug sa pagpanalipod sa pagkamatarong; itugot nga ang imong tuong kamot magtudlo kanimo ug mga butang nga makalilisang!

Mga Panultihon 10:32

Ang mga ngabil sa matarong nahibalo kon unsay angay nga dawaton, apan ang baba sa daotan, kon unsay daotan.

Mga Panultihon 16:21

Ang maalamon diha sa kasingkasing gitawag nga tawong may panabot, ug ang makalipay nga mga pulong nagdugang sa pagkamadanihon.

Mga Panultihon 25:11

Ang usa ka pulong nga hustong pagkasulti sama sa mga mansanas nga bulawan diha sa dayandayan nga plata.

Ecclesiastes 10:12

Ang mga pulong sa baba sa tawo nga maalamon magpasidungog kaniya, apan ang mga ngabil sa usa ka buangbuang maglamoy kaniya.

Awit sa mga Awit 5:16

Ang iyang pagpanulti labing tam-is, siya sa kinatubuk-an angayng tinguhaon. Kini mao ang akong hinigugma, ug mao kini ang akong higala, O mga anak nga babaye sa Jerusalem.

Isaias 50:4

Ang Ginoong Dios naghatag kanako sa dila niadtong mga tinudloan, aron mahibalo ako unsaon paglig-on pinaagi sa pulong kaniya nga gikapoyan. Matag buntag siya nagpukaw sa akong igdulungog aron sa pagpamati, sama kanila nga mga gitudloan.

Lucas 2:47

Ug ang tanan nga nakadungog kaniya natingala sa iyang pagpanabot ug sa iyang mga tubag.

Lucas 2:48

Sa pagkakita sa iyang mga ginikanan kaniya, natingala sila. Ug ang iyang inahan miingon kaniya, “Anak, nganong gibuhatan mo man kami niini? Tan-awa, ang imong amahan ug ako nabalaka sa pagpangita kanimo.”

Lucas 21:15

kay ako maghatag ra unya kaninyo ug baba ug kaalam nga walay kaaway ninyo nga makasukol o makasupak.

Lucas 4:21

Unya misugod siya sa pagsulti ngadto kanila, “Karon, kining bahina sa kasulatan natuman diha sa inyong pagpamati niini.”

Juan 1:45

Unya gikahibalag ni Felipe si Natanael, ug giingnan siya, “Among gikahibalag siya nga gihisgotan sa gisulat ni Moises diha sa Balaod ug sa mga Propeta usab. Siya si Jesus nga Nazaretnon, ang anak ni Jose.”

Juan 6:42

Ug sila miingon, “Dili ba kini siya mao man si Jesus, ang anak ni Jose, nga ang amahan ug inahan atong nailhan? Naunsa ba nga nag-ingon na man siya karon, ‘Ako nanaog gikan sa langit’?”

Juan 7:46

Sila mitubag, “Wala pa gayoy tawo nga nakasulti sama niining tawhana!”

Mga Buhat 6:10

Apan wala sila makasugakod sa kaalam ug sa Espiritu nga pinaagi niini siya misulti.

Tito 2:8

maayong pagpamulong nga dili masaway, aron ang kaaway maulawan sa diha nga wala siyay ikasulti nga ngil-ad batok kanato.