Lucas 3:7

Ang Biblia 2011

Busa si Juan miingon sa mga panon sa katawhan nga miadto aron sa pagpabautismo kaniya, “Kamong mga kaliwat sa mga bitin! Kinsay nagpasidaan kaninyo sa paglikay gikan sa kaligutgot nga umaabot?

Cross References

Genesis 3:15

Ug ibutang nako ang panag-away tali kanimo ug sa babaye ug tali sa imong kaliwat ug sa iyang kaliwat; siya magsamad sa imong ulo, ug ikaw magsamad sa iyang tikod.”

Isaias 59:5

Sila nagpapusa ug mga itlog sa mga lala nga bitin, ug naghimo ug balay sa lawalawa; siya nga mokaon sa ilang mga itlog mamatay, ug niadtong mapusa mogula ang lala nga bitin.

Mateo 12:34

Kamong mga kaliwat sa bitin! Unsaon man ninyo pagsultig maayo nga mga daotan man kamo? Kay gikan sa kapuno sa kasingkasing mosulti ang baba.

Mateo 23:33

Kamong mga bitin ug kaliwat sa mga bitin, unsaon man ninyo paglingkawas gikan sa pagkahinukman ngadto sa imperno?

Mateo 3:6

Didto sa suba sa Jordan iyang gibautismohan sila nga nagsugid sa ilang mga sala.

Juan 8:44

Kamo gikan sa inyong amahan nga mao ang yawa ug nagtinguha kamo sa pagbuhat sa kabubut-on sa inyong amahan. Siya mamumuno gayod sukad pa sa sinugdan, ug walay labot sa kamatuoran kay ang kamatuoran wala man diha kaniya. Sa dihang mamakak siya, magsulti siya tukma sa iyang kaugalingong kinaiya kay siya bakakon man ug amahan sa mga bakak.

Mga Buhat 13:10

ug miingon, “Ikaw nga anak sa yawa, ikaw nga kaaway sa tanang pagkamatarong, puno sa tanang limbong ug kadaotan, dili ka ba mohunong sa pagtuis sa mga tul-id nga dalan sa Ginoo?

1 Mga Taga-Tesalonica 1:10

ug sa pagpaabot sa iyang Anak gikan sa langit, nga iyang gibanhaw gikan sa mga patay, si Jesus nga nagluwas kanato gikan sa kapungot nga umaabot.

Mga Hebreo 6:18

aron nga pinaagi sa duha ka butang nga dili mausab, nga dili gayod mahitabo nga ang Dios mamakak, kita nga mikagiw aron makatago, makabaton unta sa dakong kadasig sa paghupot nianang paglaom nga gibutang sa atong atubangan.

1 Juan 3:8

Ang nagbuhat ug pagpakasala, iya sa yawa kay ang yawa nagpakasala man sukad pa sa sinugdan. Ang hinungdan nganong gipadayag ang anak sa Dios mao ang paglaglag sa mga binuhatan sa yawa.