Lucas 3:23

Ang Biblia 2011

Si Jesus, sa iyang pagsugod sa pagpangalagad, nagpanuigon ug mga 30 ka tuig, ingon nga anak (sumala sa gituohan) ni Jose, nga anak ni Heli,

Cross References

Genesis 41:46

Si Jose nagpanuigon ug 30 ka tuig sa pag-alagad niya sa Paraon, ang hari sa Ehipto. Ug si Jose mibiya sa atubangan sa Paraon ug milibot sa tibuok nga yuta sa Ehipto.

2 Samuel 5:4

Si David 30 ka tuig ang panuigon sa diha nga siya misugod sa paghari, ug siya naghari sulod sa 40 ka tuig.

Numeros 4:3

sukad sa nagpanuigon ug 30 ka tuig ug pataas hangtod sa nagpanuigon ug 50 ka tuig, ang tanan nga makahimo sa pag-alagad, sa pagbuhat sa mga buluhaton diha sa tolda nga tagboanan.

Numeros 4:35

sukad sa nagpanuigon ug 30 ka tuig hangtod sa nagpanuigon ug 50 ka tuig, ang tanan nga makahimo sa pag-alagad aron sa paghimo sa mga buluhaton diha sa tolda nga tagboanan.

Numeros 4:39

sukad sa nagpanuigon ug 30 ka tuig hangtod sa nagpanuigon ug 50 ka tuig, ang matag usa nga makahimo sa pag-alagad alang sa buluhaton sa diha sa tolda nga tagboanan,

Numeros 4:43

sukad sa nagpanuigon ug nga 30 ka tuig hangtod sa nagpanuigon ug 50 ka tuig, ang matag usa nga makahimo sa pag-alagad alang sa buluhaton diha sa tolda nga tagboanan,

Numeros 4:47

sukad sa nagpanuigon ug 30 ka tuig hangtod sa nagpanuigon ug 50 ka tuig, ang matag usa nga makahimo sa pag-alagad aron sa pagbuhat ug sa pagpas-an sa mga dad-onon sa tolda nga tagboanan,

Mateo 1:1

Ang listahan sa kagikan ni Jesu-Cristo, kaliwat ni David nga kaliwat ni Abraham.

Mateo 1:16

ug si Jacob ang amahan ni Jose nga bana ni Maria nga mao ang nanganak kang Jesus nga gitawag ug Cristo.

Mateo 1:6

ug si Jesse ang amahan ni David nga hari. Ug si David mao ang amahan ni Solomon sa asawa ni Urias,

Mateo 13:55

Dili ba siya mao man ang anak sa panday? Dili ba ang iyang inahan ginganlan ug Maria? Ug dili ba ang iyang mga igsoong lalaki mao man sila si Santiago ug si Jose ug si Simon ug si Judas?

Mateo 4:17

Sukad niadtong higayona si Jesus misugod sa pagwali nga nag-ingon, “Paghinulsol kamo kay ang gingharian sa langit duol na.”

Marcos 6:3

Dili ba siya mao man ang panday, nga anak ni Maria ug igsoon nila ni Santiago ug ni Jose ug ni Judas ug ni Simon? Ug dili ba ang iyang mga igsoong babaye ania man uban kanato?” Ug nasuko sila kaniya.

Lucas 2:48

Sa pagkakita sa iyang mga ginikanan kaniya, natingala sila. Ug ang iyang inahan miingon kaniya, “Anak, nganong gibuhatan mo man kami niini? Tan-awa, ang imong amahan ug ako nabalaka sa pagpangita kanimo.”

Lucas 3:31

nga anak ni Melea, nga anak ni Mena, nga anak ni Matata, nga anak ni Natan, nga anak ni David,

Lucas 4:22

Ang tanan nagsulti ug maayo mahitungod kaniya, ug nahibulong sa malumo nga mga pulong nga migula gikan sa iyang baba. Sila miingon, “Dili ba anak man kini ni Jose?”

Juan 1:45

Unya gikahibalag ni Felipe si Natanael, ug giingnan siya, “Among gikahibalag siya nga gihisgotan sa gisulat ni Moises diha sa Balaod ug sa mga Propeta usab. Siya si Jesus nga Nazaretnon, ang anak ni Jose.”

Juan 6:42

Ug sila miingon, “Dili ba kini siya mao man si Jesus, ang anak ni Jose, nga ang amahan ug inahan atong nailhan? Naunsa ba nga nag-ingon na man siya karon, ‘Ako nanaog gikan sa langit’?”

Mga Buhat 1:1

Sa una nakong basahon, O Teofilo, naghisgot ako mahitungod sa tanang butang nga gisugdan ni Jesus sa pagbuhat ug pagtudlo,