Lucas 3:14

Ang Biblia 2011

Ang mga sundalo usab nangutana kaniya, “Ug kami, unsa may among buhaton?” Siya miingon kanila, “Ayaw na kamo panulis o magbutangbutang, ug kinahanglang matagbaw kamo sa inyong mga suhol.”

Cross References

Exodo 20:16

“Ayaw pagsaksi ug bakak batok sa imong isigkatawo.

Exodo 23:1

“Ayaw pagsulti ug tinumotumo nga taho. Ayaw pagpakig-abin sa tawong daotan aron mahimong saksi nga bakakon.

Levitico 19:11

“Ayaw kamo pangawat o paglimbong o pagbinakakay sa usa ug usa kaninyo.

Mateo 8:5

Sa pag-abot ni Jesus sa Capernaum, gitagbo siya sa usa ka kapitan sa kasundalohan ug nangamuyo kini kaniya

Lucas 19:8

Ug si Zaqueo mitindog ug miingon sa Ginoo, “Tan-awa, Ginoo, ang katunga sa akong katigayonan ihatag nako sa mga kabos, ug kon aduna man kanilay akong gilimbongan ug bisan unsa, ulian nako siya sa upat ka pilo.”

Lucas 3:10

Unya nangutana kaniya ang mga panon sa katawhan nga nag-ingon, “Unsa man diay ang among buhaton?”

Lucas 3:13

Siya miingon kanila, “Ayaw na kamo paningil ug sobra sa gisugo kaninyo.”

Mga Buhat 10:7

Sa nakabiya na ang anghel nga nakigsulti kaniya, gitawag ni Cornelio ang duha sa iyang mga sulugoon ug usa ka relihiyosong sundalo nga usa sa mga nag-alagad kaniya.

Mga Taga-Filipos 2:15

aron mahimo kamong putli ug dili masaway, mga anak sa Dios nga walay buling taliwala sa usa ka hiwi ug sukihan nga kaliwatan, nga sa taliwala nila kamo magsidlak ingon nga mga kahayag dinhi sa kalibotan,

Mga Taga-Filipos 4:11

Wala ko kini isulti tungod sa akong kawalad-on, kay ako nakakat-on man sa pagpahaom sa akong kaugalingon sa bisan unsang kahimtang nga akong nahimutangan.

Tito 2:3

Mao usab ang hamtong nga mga babaye, kinahanglan nga diosnon sa ilang paggawi, dili tigpangdaot ug dili mga ulipon sa bino, mga magtutudlo sa maayo,

Gipadayag 12:10

Ug usa ka kusog nga tingog didto sa langit akong nadungog nga nag-ingon, “Karon miabot na ang kaluwasan ug ang gahom ug ang gingharian sa atong Dios ug ang kagahom sa iyang Cristo, kay gikatambog na ang tigsumbong batok sa atong kaigsoonan, siya nga sa adlaw ug sa gabii mao ang nagsumbong batok kanila sa atubangan sa atong Dios.