Lucas 3:12

Ang Biblia 2011

Ang mga tigpaningil ug buhis miabot usab aron sa pagpabautismo ug miingon kaniya, “Magtutudlo, unsa may among buhaton?”

Cross References

Mateo 5:46

Kay kon kamo nahigugma sa mga nahigugma kaninyo, unsa may ganti nga madawat ninyo? Dili ba ang mga tigpaningil ug buhis nagbuhat man sa ingon?

Lucas 18:13

Apan ang tigpaningil ug buhis nga nagtindog sa layo, wala gani motan-aw ngadto sa langit, apan nagpukpok sa iyang dughan nga nag-ingon, ‘O Dios, kaluy-i ako nga makasasala!’

Lucas 3:10

Unya nangutana kaniya ang mga panon sa katawhan nga nag-ingon, “Unsa man diay ang among buhaton?”

Lucas 3:13

Siya miingon kanila, “Ayaw na kamo paningil ug sobra sa gisugo kaninyo.”

Lucas 7:29

Sa pagkadungog nila niini, ang tanang mga tawo ug mga tigpaningil ug buhis miila sa pagkamatarong sa Dios ingon nga gibautismohan sila sa bautismo ni Juan.

Mga Buhat 2:37

Sa ilang pagkadungog niini, nasamaran ang ilang mga kasingkasing, ug nangutana sila kang Pedro ug sa ubang mga apostoles, “Mga igsoon, unsa may among buhaton?”