Lucas 24:50

Ang Biblia 2011

Unya iyang gidala sila ngadto sa gawas hangtod sa Betania, ug binayaw ang iyang mga kamot, iyang gipanalanginan sila.

Cross References

Genesis 27:4

Ug lutoi ako ug lamiang pagkaon, kadtong akong gusto ug dad-a nganhi kanako aron makakaon ako niini ug panalanginan ko ikaw sa dili pa ako mamatay.”

Genesis 48:9

Ug si Jose miingon sa iyang amahan, “Sila ang akong mga anak nga gihatag sa Dios kanako dinhi.” Ug siya miingon, “Palihog, paduola sila karon kanako ug panalanginan nako sila.”

Genesis 49:28

Kini sila mao ang napulo ug duha ka banay ni Israel ug kini mao ang giingon kanila sa ilang amahan sa pagpanalangin niya kanila, nagpanalangin sa matag usa sa panalangin nga angay kaniya.

Levitico 9:22

Unya giisa ni Aaron ang iyang mga kamot ngadto sa katawhan ug iyang gipanalanginan sila ug mikanaog siya human sa paghalad sa halad tungod sa sala ug sa halad nga sunogon ug sa mga halad sa pakigdait.

Mateo 21:17

Ug gibiyaan niya sila ug migula siya sa siyudad paingon sa Betania ug nagpabilin siya didto.

Marcos 10:16

Ug gikugos niya sila ug gipanalanginan samtang gipandongan niya sila sa iyang mga kamot.

Marcos 11:1

Sa dihang nagkaduol sila sa Jerusalem, dapit na sa Betfage ug sa Betania, duol sa Bungtod sa mga Olibo, gisugo niya ang duha sa iyang mga tinun-an.

Lucas 24:51

Ug samtang nagpanalangin siya kanila, siya mibiya gikan kanila ug gibayaw ngadto sa langit.

Mga Buhat 1:12

Unya namalik sila sa Jerusalem gikan sa bungtod nga ginganlan ug Olibo nga duol sa Jerusalem, nga ang gilay-on sama sa usa ka adlawng igpapahulay nga lakaw.

Mga Buhat 1:9

Human siya makasulti niini, samtang nagtan-aw sila kaniya, gibayaw siya ngadto sa itaas ug gikuha siya sa usa ka panganod gikan sa ilang mga panan-aw.

1 Timoteo 2:8

Busa gitinguha nako nga sa tanang dapit ang mga lalaki mag-ampo nga magbayaw ug mga kamot nga balaan nga walay kasuko o pakiglalis.

Josue 22:6

Busa gipanalanginan sila ni Josue ug gipalakaw sila. Ug namauli sila sa ilang mga puluy-anan.