Lucas 24:5

Ang Biblia 2011

Ug samtang nangahadlok sila ug nangduko ang ilang nawong sa yuta, ang mga lalaki miingon kanila, “Nganong nangita man kamo sa buhi diha sa mga patay?

Cross References

Daniel 10:16

Unya dihay usa nga sama ug panagway sa mga anak sa tawo nga mihikap sa akong mga ngabil, unya akong gibuka ang akong baba ug ako misulti. Miingon ako kaniya nga nagtindog sa akong atubangan, “O agalon ko, tungod sa panan-awon ang kasakit midangat kanako ug walay nahibilin nga kusog kanako.

Daniel 10:19

Ug siya miingon, “O tawo nga gihigugma pag-ayo, ayaw kahadlok; ang kalinaw maanaa kanimo, paglig-on, pagmaisogon.” Ug sa diha nga siya nakasulti kanako, nalig-on ako ug miingon, “Pasultiha ang akong agalon, kay ikaw naglig-on kanako.”

Lucas 1:29

Apan siya naglibog pag-ayo tungod sa gisulti kaniya, ug iyang gihunahuna kon unsa ba kadtong pangumostaha.

Lucas 24:4

Ug samtang naglibog sila mahitungod niini, tupad kanila dihay duha ka lalaki nga nagtindog nga silaw ang bisti.

Lucas 24:6

Wala siya dinhi, kondili nabanhaw! Hinumdomi ang iyang gisulti kaninyo sa didto pa siya sa Galilea,

Mga Buhat 2:24

Apan gibanhaw siya sa Dios, gipalingkawas gikan sa kasakit sa kamatayon, kay dili man gayod mahimo alang kaniya nga kapugngan kini.

Mga Hebreo 7:8

Niining bahina ang ikapulo gidawat sa mga tawo nga may kamatayon apan kini gidawat niadtong usa nga gipamatud-an nga buhi.

Gipadayag 1:18

ug ang buhi. Ako namatay, apan tan-awa, ako karon buhi hangtod sa kahangtoran, ug ania kanako ang mga yawi sa Kamatayon ug sa Hades.

Gipadayag 2:8

“Ug ngadto sa anghel sa iglesia sa Esmirna, isulat kini: ‘Mao kini ang mga pulong niya nga mao ang sinugdan ug ang kataposan, ang namatay ug ang nabuhi pag-usab.