Lucas 24:45

Ang Biblia 2011

Ug iyang giablihan ang ilang mga hunahuna aron sa pagsabot sa kasulatan,

Cross References

Job 33:16

unya iyang buksan ang mga dalunggan sa katawhan, ug hadlokon sila pinaagi sa mga pasidaan,

Salmo 119:18

Pabukha ang akong mga mata aron makatan-aw ako sa mga katingalahang butang gikan sa imong Balaod.

Exodo 4:11

Unya ang Ginoo miingon kaniya, “Kinsa ba ang nagbuhat sa baba sa tawo? Kinsa ba ang naghimo sa tawo nga amang o bungol o makakita o buta? Dili ba ako man, ang Ginoo?

Lucas 24:32

Sila nag-ingon sa usa ug usa, “Dili ba nga ang atong mga kasingkasing nagdilaab man sa sulod nato samtang nagsulti siya kanato diha sa dalan ug samtang nagpasabot siya kanato sa kasulatan?”

Mga Buhat 16:14

Ug usa sa naminaw kanamo mao ang usa ka babaye nga ginganlan ug Lydia nga taga-lungsod sa Tiatira, nga tigbaligya ug mga mahalong panapton nga tapol. Siya masimbahon sa Dios, ug ang iyang kasingkasing giablihan sa Ginoo aron sa pagpamati sa gisulti ni Pablo.

Mga Buhat 26:18

sa pagpabuka sa ilang mga mata aron sila mobalhin gikan sa kangitngit ngadto sa kahayag ug gikan sa gahom ni Satanas ngadto sa Dios, aron makadawat sila ug kapasayloan sa ilang mga sala ug usa ka dapit uban sa mga gibalaan pinaagi sa pagtuo kanako.’

Mga Taga-Efeso 5:14

kay ang tanang nadayag kahayag. Busa kini giingon: “Pagmata, ikaw nga natulog, ug bangon gikan sa mga patay, ug dan-agan ikaw ni Cristo.”

1 Juan 5:20

Ug kita nasayod nga ang Anak sa Dios mianhi ug mihatag kanato ug salabotan aron kita makaila kaniya nga mao ang matuod ug kita anaa kaniya nga mao ang matuod, diha sa iyang Anak nga si Jesu-Cristo. Kini mao ang matuod nga Dios ug kinabuhi nga dayon.

Gipadayag 3:7

“Ug ngadto sa anghel sa iglesia sa Filadelfia, isulat kini: ‘Mao kini ang mga pulong niadtong Balaan ug Matuod nga mao ang nagkupot sa yawi ni David, ang magbukas nga walay makatak-op, ang magtak-op nga walay makabukas.